Pamje dhe detaje nga aksioni i Policisë në një diskotekë në Prishtinë: U arrestuan gjashtë persona
Policia e Kosovës pak më parë bëri të ditur se ka arrestuar gjashtë persona si rezultat i një plani operativ.
Në veturën e të dyshuarve është gjetur një armë, e në atë lokacion kanë hasur në një rrahje.
Nacionale ka mësuar se rasti ka ndodhur në diskotekën "Lit" në kryeqytet.
Burimet kanë bërë të ditur se arma është gjetur në veturën e disa pjesëtarëve të sigurimit të kësaj diskoteke.
Jozyrtarisht është mësuar se pjesëtarët e sigurimit e kanë rrahur një polic të mbrojtjes së afërt që ishte frekuentues i diskotekës. Kjo më pas ka bërë që Policia të ndëmarrë këtë aksion.
Në të njëjtin vend ditë më parë kishte pasur të shtëna me armë zjarri.
Pamjet:
