Dëshmitari i 86-të fillon dëshminë në rastin e krerëve të UÇK-së

Dëshmitari i 86-të e ka filluar dëshminë e tij në Gjykatën Speciale të Hagës.

Ky dëshmitar pretendon të jetë rrëmbyer nga pjesëtarë të UÇK-së afër minierës së Bellaqevcit në Fushë Kosovë.

Njoftimi:

Dëshmitari i 86-të i ZPS-së ka nisur të dëshmojë në gjykatë sot pasdite. Ky është një tjetër dëshmitar i mbrojtur me pseudonimin W01129. Sipas ZPS-së, ky dëshmitar ishte rrëmbyer nga një grup pjesëtarësh të armatosur të UÇK-së afër minierës së Bellaqevcit në Fushë Kosovë në mesin e qershorit 1999 dhe më pas ishte ndaluar në lokacione të ndryshme të zonës. Dëshmitari është duke dëshmuar përmes videolidhjes.