Presidenti i Ukrainës, Volodymyr Zelensky, tha në një intervistë të transmetuar të martën se dronët rusë e sulmuan hapësirën ajrore moldave dy herë, përderisa ai po kalonte me aeroplan nëpër këtë shtet.

Zelensky i tha rrjetit televiziv amerikan, CBS, se ai ndodhej në Moldavi, në kufirin perëndimor të Ukrainës, në aeroportin e Kishinaut, rrugës për në një vizitë jashtë vendit, kur ndodhën këto incidente, raporton agjencia e lajmeve “Reuters”.

“Në Moldavi, aeroplani im presidencial ishte atje dhe për këtë arsye ata [rusët] e sulmuan Moldavinë, hapësirën ajrore të Moldavisë. Ndoshta nuk deshëm që të më sulmonin mua personalisht...” – tha presidenti ukrainas.

“Kur u kthyem në atdhe, përsëri përmes Kishinaut, përsëri ata e bën të njëjtën gjë” – shtoi Zelensky.

Më 9 shtator, një zëdhënës qeveritar moldav tha se nisja e aeroplanit të Zelenskyt për në Norvegji ishte shtyrë, pasi autoritetet moldave e kishin mbyllur hapësirën ajrore të vendit për shkak të një alarmi për dronë.

Dy dronë rusë hynë në hapësirën ajrore moldave atë ditë. Njëri ra në një fushë në veri të kryeqytetit, duke shkaktuar zjarr, ndërsa tjetri vazhdoi drejt hapësirën ajrore të Rumanisë.

Zelensky nuk kishte folur më parë për incidentin e dytë. Nuk ishte e qartë se kur saktësisht presidenti ndodhej në kalim transit në Moldavi gjatë kthimit në Ukrainë nga Kanadaja.

Autoritetet moldave thanë se dy dronë hynë në hapësirën ajrore të vendit të hënën, më 14 shtator, për rreth 10 minuta secili me dallim prej një ore mes njëri-tjetrit.

Aktgjykimi ndaj katër ish-pjesëtarëve të UÇK-së, i paraparë të shpallet më 16 shtator, pritet të zgjasë rreth dy orë.

Kjo është bërë e ditur nga Dhomat e Specializuara të Kosovës, të cilat në njoftimin e fundit kanë përcaktuar orarin e seancës për shpalljen e aktgjykimit.

Sipas njoftimit, seanca do të nisë në orën 10:00 dhe pritet të përfundojë në orën 12:00.

Në kuadër të këtij njoftimi, Dhomat e Specializuara kanë bërë të ditur edhe kërkesën për regjistrim paraprak të gazetarëve që dëshirojnë ta ndjekin seancën nga galeria e publikut ose nga qendra e mediave.

Qytetarët e Skenderajt janë mbledhur që sonte për të pritur vendimin ndaj ish-krerëve të UÇK-së që po mbahen në Hagë.

Kryetari i kësaj komune, Sami Lushtaku ka thënë se Skenderaj qëndron fuqishëm në mbështetje të çlirimtarëve.

“Faleminderit nga zemra të gjithë qytetarëve të Skenderajt që sonte u bashkuan në Sheshin “Adem Jashari”, duke dëshmuar edhe një herë se Skenderaj qëndron fuqishëm në mbështetje të Çlirimtarëve dhe në pritje të drejtësisë për ta”, ka shkruar ai.

Familjarët e ish-presidentit të Kosovës, Hashim Thaçi, ndodhen në Hagë, në prag të shpalljes së aktgjykimit ndaj ish-krerëve të Ushtrisë Çlirimtare të Kosovës (UÇK).

Që nga dita e hënë, familjarët e Thaçit, së bashku me familjarë të ish-krerëve të tjerë të UÇK-së, kanë nisur vizitat e fundit para shpalljes së vendimit nga Dhomat e Specializuara të Kosovës në Hagë.

Seanca për shpalljen e aktgjykimit të shkallës së parë ndaj Hashim Thaçit, Kadri Veselit, Jakup Krasniqit dhe Rexhep Selimit do të mbahet nesër, duke filluar nga ora 10:00.

Katër ish-krerët e UÇK-së po përballen me akuzat e Prokurorisë së Specializuar, ndërsa nesër pritet të merret vendimi në këtë proces gjyqësor.

Sulmet ajrore izraelite lanë të vrarë të paktën tre palestinezë të martën në pjesën veriore të Rripit të Gazës, përfshirë një pacient në një qendër të kujdesit shëndetësor, thanë mjekët.

Sulmet ajrore izraelite ndaj një automjeti lanë të vrarë të paktën dy palestinezë, njëri prej tyre fëmijë, dhe plagosën shtatë të tjerë në lagjen veriore të Rripit të Gazës, Sheikh Radëan, sipas mjekëve, raporton agjencia e lajmeve “Reuters”.

Ushtria izraelite tha se kishte goditur një militant në zonë, pa dhënë hollësi.

Dëshmitarët thanë se disa viktima rezultuan nga një sulm i dytë afër një grupi njerëzish që kishin shkuar me nxitim për t’i ndihmuar viktimat fillestare.

Në një video, të cilën agjencia “Reuters” nuk ka mundur ta vërtetojë menjëherë, shfaqej një raketë duke shpërthyer afër të paktën pesë burrave.

Në një incident tjetër, organizata bamirëse shëndetësore britanike, “Ndihma Mjekësore për Palestinezët”, tha të martën se një pacient u vra në një qendër shëndetësore që kjo organizatë e mbështet në Jabalia të Gazës.

Organizata tha se pacienti u qëllua nga një dron ushtarak izraelit. Nuk pati koment të menjëhershëm nga Izraeli.

Palestinzët më herët i mbajtën funeralet në Gazë për dy persona që u vranë nga sulmet izraelite një ditë më parë, Ahmed Al-Batsh dhe Rafat Zummar.

Ish-komandanti i UÇK-së, Fatmir Limaj, një ditë para shpalljes së verdiktit të Gjykatës Speciale për ish-krerët e UÇK-së, foli për procesin gjyqësor në Hagë.

Ai tha se nesër në bankën e të akuzuarve do të jetë edhe personi që e shpalli pavarësinë e Kosovës.

“Nesër para bankës që të akuzuarve është personi që e ka shpallur pavarësinë. Pse? Në një moment ai njeri ka vendosur me ju fut një lufte që nuk ka besuar që nuk ka besuar që mund ta bëjë realitet që mund ta largojë Serbinë nga Kosova. Unë i kam pas 27 vjet, Hashimi 29, Kadria 29, me Rexhën bashkëmoshatarë”, ka thënë ai në Pressing.

Selimi ka kritikuar diplomatët dhe juristët ndërkombëtarë e amerikanë që ishin të përfshirë një dekadë më parë në krijimin e Speciales.

Në një postim, ai ka thënë se sot asnjë prej tyre nuk po i mbron procedurat e saj, ndërsa ka shtuar se disa kanë kërkuar publikisht falje nga kosovarët për rolin e tyre.

“Asnjë diplomat apo jurist ndërkombëtar / amerikan që ishte i përfshirë një dekadë më parë në themelimin e kësaj farse, sot nuk po i mbron procedurat e saj. Disa prej tyre kanë dalë publikisht duke u kërkuar falje kosovarëve për rolin e tyre në këtë neveri”, ka shkruar Selimi.

Not a single international / American diplomat or lawyer who was involved a decade ago in establishing this charade is today defending its proceedings. Some of them have come out publicly apologizing to Kosovars for their role in this obscenity. https://t.co/JdrGj5sdle

— Petrit Selimi (@Petrit) September 15, 2026

Mijëra shqiptarë janë mbledhur para Gjykatës Speciale në Hagë, në prag të shpalljes së vendimit ndaj Hashim Thaçit, Kadri Veselit, Jakup Krasniqit dhe Rexhep Selimit.

Qytetarë nga Kosova dhe vende të ndryshme të Evropës kanë udhëtuar drejt Hagës për të shprehur mbështetjen e tyre për ish-krerët e UÇK-së. Para objektit të Dhomave të Specializuara janë parë flamuj të UÇK-së dhe pankarta mbështetëse.

Vendimi pritet të shpallet më 16 shtator dhe po ndiqet me interes të madh në Kosovë dhe nga mbështetësit e të akuzuarve.

Asambleistja e PDK-së në Mitrovicë, Majlinda Kurti, ka ngritur flamurin e UÇK-së në shenjë nderimi dhe mbështetjeje për çlirimtarët.

Ajo ka treguar se një veprim të tillë e ka ndërmarr pasi Komuna e Mitrovicës nuk e ka vendosur asnjë flamur të UÇK-së në qytet në prag të vendimit të Gjykatës Speciale për krerët e UÇK-së.

Në profilin e saj në Facebook, ajo ka postuar një fotografi duke e ngritur flamurin e UÇK-së.

“Kur institucionet heshtin, ne e ngrisim flamurin e UÇK-së në pritje, nderim dhe mbështetje të çlirimtarëve”, ka shkruar Kurti.

Veprimi i saj vjen një ditë para vendimit të Gjykatës Speciale ndaj ish-krerëve të UÇK-së.

Kryetari i Drenasit, Ramiz Lladrovci, tashmë as një ditë para se kur pritet të shpallet vendimi i Dhomace të Specializuara, tha se vendimin do ta presin “me qetësi, unitet dhe dinjitet.”

Nesër në ora 10:00, Lladrovci tha se do ta pret me qytetarët e komunës së vet në shesh.

Postimi i Lladrovcit:

Qytetarë të komunës së Drenasit,

Nesër, më 16 Shtator nga ora 10:00, në Sheshin “Fehmi e Xhevë Lladrovci”, pranë vendit ku është vendosur ekrani me orën e pritjes, jeni të ftuar ta presim vendimin e Hagës së bashku.

Vendimin do ta presim me qetësi, unitet dhe dinjitet!