Lumir Abdixhiku i Lidhjes Demokratike të Kosovës njoftoi të ketë pritur në takim U.D Ambasadoren Amerikane, Anu Prattipatin, me të cilën kanë biseduar për “situatën politike.”

“Gjatë takimit, kryetari Abdixhiku dhe e Ngarkuara me Punë, znj. Prattipati diskutuan për zhvillimet aktuale politike në vend, me theks të veçantë në zhvillimet e fundit në Kuvend dhe procesin e konstituimit të institucioneve të Republikës së Kosovës,” u tha në komunikatë të LDK-së.

Kryetari i Fushë Kosovës, Valon Prebreza, ka njoftuar se do ta lirojë drejtorin për Prona, Gëzim Zogiani, nga detyra.

Pesë zyrtarë komunalë u arrestuan për tjetërsim prone 1.5 milionëshe.

Prebreza tha se "menjëherë pas kthimit (nga një udhëtim jashtë vendit) do ta liroj Drejtorin e Pronës deri në sqarim."

Ai shkroi se "nuk do të ketë mbrojtje politike për askënd" në komunën e tij.

"Transparenca, llogaridhënia dhe sundimi i ligjit nuk janë slogane, por standard funksionimi."

Deputeti i PDK-së, Eman Rrahmai, ka komentuar reagimet e VV-së në lidhje me Listen Serbe.

Ai ka bërë me dije se kjo është propaganda marksiste-leniniste, duke shtuar se VV-ja i i shërben Listes Serbe.

Në profilin e tij në Facebook, ai ka shkruar se ky pushtet i ka jep 24 hektarë Manastirit të Deçanit dhe 146 mijë euro Dioqezës Rashkë.

“Qe çka bën propaganda marksiste-leniniste e këtij pushteti që i shërben Listes Serbe. I jep 24 hektarë Manastirit të Deçanit. I jep 146 mijë euro Dioqezës Rashkë. E pranon Marrëveshjen e Ohrit dhe atë të Brukselit, që është edhe më e keqe se “Zajednica” dhe fillon zbatimin e tyre. Bashkë me Listën Serbe qeverisin nga viti 2021 deri me 5 nëntor 2022 kur Lista serbe jep dorëheqje”, ka shkruar ai.

Ish-presidenti i vendit, Hashim Thaçi, sërish ka dhënë një intervistë nga Haga.

Ai do jap një intervistë televizive, e cila do jetë e fundit para vendimit të Gjykatës Speciales që do të shpallet më 16 shtator.

Pak dita par vendimit final, ai do të iu drejtohet shqiptarëve në një intervistë për emisionin “Top Story” në Top Channel.

Kjo intervistë do të transpemtohet sonte në ora 21:00.

Edhe Peja i është bashkuar “Orës së Pritjes”, e cila po numëron mbrapa drejt 16 shtatorit, në pritje të drejtësisë dhe lirisë për Hashim Thaçin, Kadri Veselin, Jakup Krasniqin dhe Rexhep Selimin.

Në aktivitet morën pjesë përfaqësues të platformës qytetare “Liria Ka Emër”, përfaqësues institucionalë, veteranë, aktivistë dhe qytetarë të Pejës.

Me nisjen e “Orës së Pritjes”, edhe Peja i bashkohet qyteteve anembanë Kosovës që po përcjellin të njëjtin mesazh:

“Në emër të popullit, shpalleni TË PAFAJSHËM!”

Nga Peja u përcoll mesazhi se Kosova po pret drejtësi, liri dhe kthimin në atdhe të çlirimtarëve të saj.

Aktivitetet e platformës qytetare “Liria Ka Emër” vazhdojnë drejt Marshit për Liri, që do të mbahet më 12 shtator, nga ora 14:00, në sheshin “Skënderbeu” në Prishtinë.

Ka nisur seanca gjyqësore në çështjen ndaj Hashim Thaçit, Bashkim Smakajt, Isni Kilajt, Fadil Fazliut dhe Hajredin.

Në këtë seancë do të jepen deklaratat përfundimtare të palëve.

Gjatë kësaj seance, ku do të jepet fjalët përmbyllëse për rastin e ndërhyrjes në drejtësi, Thaçi është i vetmi në sallë, kurse të tjerët me videolidhje.

Deputetja e PDK-së, Ganimete Musliu kritikoi moskonstituimin e Kuvendit para aktgjykimit në Hagë.

"Pas datës 16 shtator, pozicioni i Republikës së Kosovës nuk do të jetë i njëjtë."

Musliu deklaroi se moskonstituimi përbën "papërgjegjësi dhe neglizhencë të jashtëzakonshme" e Kurtit.

Ajo përlotoi se Kosova nuk duhet të gjejë "pa institucione, minimalisht pa Kuvend."

Aktualisht ngarkohen Thaçi, Veseli, Krasniqi dhe Selimi për krime lufte të viteve 1998-99.

Musliu shpreson vendim shfajësues. Ndryshe, pasojat do të jenë "zinxhirore" për institucione të tjera.

Opinionisti Visar Ymeri, ka duke folur për zhvillimet në Kuvend thotë se LVV-në se po bllokon qëllimisht konstituimin e institucioneve.

“Lëvizja Vetëvendosje qartazi e ka vetëm një plan dhe vetëm një qëllim, ta bllokojë themelimin e institucioneve për të arritur deri te data e preferuar e zgjedhjeve për të është 27 dhjetori”, ka thënë Ymeri për Front Online.

Sipas tij, situata mund të ndryshojë vetëm nëse VV humb shumicën bllokuese.

Ymeri ka thënë se Kurti do të detyrohej të kërkonte kompromis dhe bashkëpunim, duke paralajmëruar se përndryshe Kosova rrezikon të shndërrohet në një vend të dështuar.

Nënkryetarja e Prishtinës, Besianë Musmurati, ka thënë se Komuna ka organizuar aktivitete në mbështetje të krerëve të UÇK-së që po mbahen në Hagë.

Ajo përmendi “Orën e Pritjes”, një mural në Ulpianë dhe ekspozitën e fotoreporterit Visar Kryeziu.

“Po, mua më vjen shumë mirë që si nënkryetare e Prishtinës e si Komunë e Prishtinës i kemi bërë një seri të aktiviteteve për lirinë e çlirimtarëve tanë”, tha Musmurati për Ekonomia Online.

Ajo njoftoi se më 12 shtator Komuna do ta mbështesë marshin e “Liria ka emër”, ndërsa në sheshin “Skënderbeu” do të vendoset ekran për ndjekjen e seancës gjyqësore.

Në Gjykatën Speciale sot nisin deklaratat përfundimtare në çështjen ndaj Hashim Thaçit dhe të tjerëve, lidhur me akuzat për pengim të administrimit të drejtësisë.

Sipas Dhomave të Specializuara, deklaratat do të mbahen më 10, 11 dhe 14 shtator 2026.

Procesi shënon përfundimin e argumenteve të palëve, para vendimit të Gjykatësit të Vetëm.

Aktakuza pretendon se Thaçi, bashkë me Bashkim Smakajn, Isni Kilajn, Fadil Fazliun dhe Hajredin Kuçin, dyshohet se zbuluan informacione të fshehta dhe tentuan të ndikojnë në dëshmitë e dëshmitarëve.