Qeveria e re hungareze ia ka hequr statusin e refugjatit ish-ministrit polak në arrati, Zbigniew Ziobro, tha të enjten qeveria polake, e cila po përpiqet ta kthejë ish-zyrtarin në atdhe për ta gjykuar rreth akuzave për keqpërdorim të pushtetit.

Vendimi nënkupton se ish-ministri i Drejtësisë dhe zëvendësi i tij, Marcin Romanowski, nuk do të mund t’i përdorin dokumentet e udhëtimit për refugjatë, që u kishin ndihmuar të largoheshin nga Hungaria, kur në pushtet erdhi administrata pro-evropiane e kryeministrit Peter Magyar, raporton agjencia e lajmeve “Reuters”.

Ish-kryeministri hungarez, Viktor Orban, u kishte dhënë azil Romanowskit, Ziobros dhe bashkëshortes së tij.

Ministri i Jashtëm i Polonisë, Radoslaw Sikorski, tha se ka marrë konfirmim me shkrim se Hungaria ua ka hequr statusin e refugjatëve këtyre tre individëve.

Ish-ministri dhe zëvendësi i tij i mohojnë akuzat për keqpërdorim të fondeve nga një fond që e kishte për qëllim ndihmën për viktimat e krimit dhe shfrytëzimin e tyre për përfitime politike.

Kryetari i Prishtinës, Përparim Rama, ka kritikuar ashpër Qeverinë e Kosovës, duke e akuzuar për izolim ndërkombëtar, humbje të fondeve nga Bashkimi Evropian dhe dëmtim të ekonomisë vendore.

Në një reagim publik, Rama tha se Kosova vazhdon të mbetet nën masa ndëshkuese të BE-së, ndërsa fondet po ridrejtohen drejt vendeve të tjera të rajonit. Ai përmendi edhe mbylljen e qumështores VITA, duke thënë se pasojat e këtij veprimi po i ndjejnë punëtorët, fermerët dhe bizneset.

Sipas tij, vendi po humb investime, vende pune dhe mbështetjen e partnerëve ndërkombëtarë, ndërsa akuzoi Qeverinë për qasje të gabuar ndaj aleatëve strategjikë dhe për mungesë të politikave që mbështesin zhvillimin ekonomik.

Rama vlerësoi se Kosova ka nevojë për politika që nxisin investimet, mbështesin bizneset dhe forcojnë partneritetin me aleatët ndërkombëtarë, në vend të, siç u shpreh ai, politikave që çojnë në izolim dhe pasiguri ekonomike.

Tetë murgj budistë vdiqën dhe mbi 20 të tjerë u lënduan, pasi u goditën nga një veturë që po vozitej nga një 11-vjeçar, përderisa ishin në pelegrinazh në provincën Mukdahan të Tajlandës, thanë të enjten zyrtarët e shtetit të largët aziatik.

Viktimat ishin pjesë e një grupi prej 34 murgjish budistë dhe pesë pasuesish që po kryenin një pelegrinazh nga një tempull në provincën Mukdahan në një tempull tjetër në provincën fqinje, Ubon Ratchathani, tha në një konferencë për gazetarë guvernatori i provincës Mukdahan, Vorayan Bunarat, raporton agjencia e lajmeve “Reuters”.

Pesë murgj vdiqën në vendin e ngjarjes, ndërsa tre të tjerë nuk u mbijetuan lëndimeve në spital, tha guvernatori. 22 burgj të tjerë dhe një person tjetër u lënduan nga përplasja, përfshirë katër që tani janë në gjendje kritike.

“Vozitësi, një djalë 11-vjeçar me nevoja të veçanta, e mori automjetin nga shtëpia e familjes dhe voziti rreth 10 kilometra para se ta godiste grupin e murgjve” – tha komandanti i policisë provinciale, Pairoj Thaiphutra.

Ai shtoi se djali nuk është marrë ende në pyetje, sepse mbetet në gjendje shoku dhe nuk është në gjendje që të japë deklaratë.

A peaceful morning turned into an unimaginable tragedy. At least eight Buddhist monks were killed after an 11-year-old drove a pickup truck into them in Thailand's Mukdahan province. Prayers for the victims and their families. 🙏💔
. pic.twitter.com/Wezsi3aubz

— sunil kumar rana (@1984sunil) July 2, 2026

Çka thotë prindi i tij?

Çka thotë trajneri dhe ekipi i tij për këtë rast?

Çfarë pozite shtetërore mban trajneri që dyshohet se ushtroi dhunë ndaj fëmijës 11-vjeçar?

Një fëmijë 11-vjeçar pretendohet se është rrahur nga një trajner gjatë një turniri futbolli në Durrës.

Bëhet fjalë për një futbollist 11-vjeçar të shkollës së futbollit “Drini i Bardhë” në Prizren.

Gazeta Nacionale ka zhvilluar një intervistë me babain e 11-vjeçarit, Din Qoqaj, i cili ka deklaruar se trajneri Bashkim Mallaku nga shkolla e futbollit “Arbana” ka ushtruar dhunë ndaj djalit të tij.

Mes tjerash, ai ka treguar se djali i tij kishte shkuar në turne me shkollën e futbollit “Drini i Bardhë”, ku edhe stërvitej vazhdimisht. Mirëpo, pas një marrëveshjeje mes trajnerëve, pa u informuar prindi, futbollisti 11-vjeçar ishte vendosur të luante për shkollën e futbollit “Arbana”.

Qoqaj ka ndarë edhe detaje se si ishte informuar për rastin. Pasi e kishte marrë vesh lajmin, ai kishte shkuar personalisht në Durrës, kishte marrë fëmijët e tij dhe i ishte drejtuar Komisariatit të Policisë në Durrës, ku kishte iniciuar kallëzim penal.

Prindi i 11-vjeçarit ka deklaruar gjithashtu se z. Mallaku mban edhe një pozitë shtetërore, si gardian burgu në Prizren.

Gazeta Nacionale ka biseduar edhe me trajnerin Mallaku, i cili e ka dhënë versionin e tij të ngjarjes. Jashtë kamerës ai ka mohuar versionin e babait tw 11 vjecarit duke deklaruar se veprimet e tij kanë qenë të menaxhueshme dhe se gjithçka e kishte bërë vetëm që t’i frikësonte fëmijët, në mënyrë që përplasjet mes tyre të mos përsëriteshin.

Mallaku ka theksuar se nuk ka pasur asnjë akt dhune ndaj 11-vjeçarit dhe, në fund, na ka udhëzuar që për më shumë detaje t’i drejtohemi klubit “Arbana”.

Trajneri në fjalë nuk e ka mohuar as faktin se mban pozitën e gardianit.

Ne jemi munduar të marrim edhe një përgjigje nga shkolla e futbollit “Arbana”, por ata nuk kanë kthyer përgjigje.

Nacionale i është drejtuar edhe trajnerit të shkollës së futbollit “Drini i Bardhë”, Destan Kabashi, me të cilin futbollisti 11-vjeçar kishte shkuar në turne. Mirëpo, Kabashi ka mohuar se është përgjegjës për të dhe ka deklaruar se fëmija ishte sjellë në turne nga kryetari i klubit.

Nacionale është munduar të marrë edhe një prononcim nga kryetari i klubit te “Drini Bardhë’, Mustafë Totaj, por deri në publikimin e kësaj videoje ai nuk ka kthyer përgjigje.

9 të arrestuar e 21 lokacione të bastisura. Ky ishte bilanci nga aksioni i djeshëm i Prokurorisë Speciale. Gazetari Oqean Dermaku kishte hulumtuar ekskluzivisht në Nacionale, në qershorin e vitit të kaluar, pikërisht këtë temë. Dallaveret me naftë.

Sonte, në “Debat Plus”, ai sqaroi skemën.

“Në portin e Durrësit bëhet zhdoganimi për mallërat që vijnë në Kosovë. Akicza e TVSh-ja që paguhet për Kosovës është më e ulët se sa ajo për Shqipëri. Kompani nga Kosova kanë porositur naftë për t’u ardhur në Kosovë. Më pasë gjatë rrugës deri në kufi me Kosovën, atë nafte e kanë zëvendësuar me ujë. Naftën e kanë shitur në treg të zi në Shqipëri, ndërkohë maunet, kamionët i kanë mbushur me ujë, në mënyrë që në doganën e Kosovës, pasha e sasisë brenda të përputhet me atë te deklaruar në portine Durrësit.” – ka thënë Dermaku.

Komuna e Istogut ka shprehur shqetësim të thellë pas mbylljes së qumështores VITA, duke e cilësuar këtë si një goditje të rëndë për ekonominë lokale dhe për fermerët e komunës.

Sipas njoftimit të Komunës, mbyllja e kompanisë pas një aksioni të disa inspektorateve ka krijuar pasiguri për qindra punëtorë, fermerë dhe gjithë zinxhirin e prodhimit të qumështit. VITA cilësohet si një nga kompanitë më të mëdha të industrisë së qumështit në Kosovë dhe partner kryesor i shumë fermerëve të Istogut.

Kryetari i Komunës së Istogut, Ilir Ferati, ka kërkuar hapjen e menjëhershme të qumështores, duke theksuar se çdo çështje tjetër duhet të trajtohet në mënyrë institucionale dhe me transparencë të plotë, pa dëmtuar fermerët, punëtorët dhe ekonominë lokale.

Komuna e Istogut ka ritheksuar se do të vazhdojë të mbështesë fermerët, punëtorët dhe prodhimin vendor, të cilët i konsideron si shtylla kryesore të zhvillimit ekonomik të komunës.

Kryetari i Prishtinës, Përparim Rama, ka njoftuar se 4 Korriku është shpallur zyrtarisht “Dita e Miqësisë Amerikane në Prishtinë”, duke e cilësuar këtë si një akt institucional që dëshmon mirënjohjen e kryeqytetit ndaj Shteteve të Bashkuara të Amerikës.

Sipas Ramës, me këtë vendim institucionalizohet një miqësi që, siç u shpreh ai, qëndron mbi ciklet politike, mandatet dhe ndryshimet e qeverisjes. Ai theksoi se partneriteti strategjik me SHBA-në është i panegociueshëm dhe mbetet një nga shtyllat kryesore të orientimit të Kosovës.

Rama vlerësoi se aleanca me Shtetet e Bashkuara ka qenë vendimtare për lirinë dhe shtetësinë e Kosovës, duke shtuar se ajo vazhdon të jetë thelbësore edhe për të ardhmen euroatlantike të vendit.

Fermerët veçse e kanë rrethuar objektin e qumështores “Vita”, pasi morën lajmin se kompania do të mbyllet, të paktën për shtatë ditë.

Njëri nga ta tha se shteti po e mer në qafë, pasi bashkëpunimi me “Vita” ka qenë jetik për të.

“Unë jam fermer nga Istogu, jam ardhë në përkrahje të qumështores “Vita”. Unë punoj prej 2006-ës, prej se kom nis me u merr me këtë lami. Jam shumë i kënaqur me ta. Isha duke punuar në ara, e pashë në Facebook, dhe erdha shpejt. Neve na mer në qafë shteti. Unë i kam 1 mijë litra qumështë, nuk muj me i gjujtë.” – u shpreh ai.

Ky vendim i kompanisë erdhi pasi që Inspektorati zbarkoi në këtë objekt me një numër të madh të zyrtarëve, me arsyetimin që duhej ta bënin një inspektim me urdhër të ministrit në detyrë të Bujqësisë, Armend Muja.

Drejtoi gjeneral i qumështores “Vita” në Istog, Artan Spahija, për Klan Kosova tha se vendimi për vetëmbylljes e kompanisë, erdhi pas vendimit, siç e quan ai, politik, të ministrit Muja.

Fermerët veçse e kanë rrethuar objektin e qumështores “Vita”, pasi morën lajmin se kompania do të mbyllet, të paktën për shtatë ditë.

Ky vendim i kompanisë erdhi pasi që Inspektorati zbarkoi në këtë objekt me një numër të madh të zyrtarëve, me arsyetimin që duhej ta bënin një inspektim me urdhër të ministrit në detyrë të Bujqësisë, Armend Muja.

Drejtoi gjeneral i qumështores “Vita” në Istog, Artan Spahija, tha se vendimi për vetëmbylljes e kompanisë, erdhi pas vendimit, siç e quan ai, politik, të ministrit Muja. I njejti u shpreh se kompania që drejton nuk i ka tradhëtuar asnjëherë fermerët vendor, të cilët do të detyrohet që ta gjuajnë qumështin, pas kësaj çasje të qeverisë.

Eksperti i ekonomisë Dardan Sejdiu, ka reaguar në lidhje me zhvillimet e fundit, sa i përket mbylljes së qumështorës “Vita”, pasi aty shteti zbarkoi me mbi 20 inspektorë. Ndër ta edhe aktivist të Lëvizjes Vetëvendosje.

Sejdiu, ka kujtuar kohën kur Vetëvendosje lobonte për prodhime vendore, me fushatën “Duaje tënden”, por që sipas tij tash në pushtet, prodhimi vendor po luftohet nga revanzhizmi.

E plotë:

Para disa dite pata postu per logon “Duaje Tëndën”, te dizajnuar nga Fisnik Ismaili, dhe historine e krijimit te asaj fushate sa ishim pjese e Lëvizjes Vetëvendosje.

Beteja per forcimin dhe perkrahjen e prodhimit vendor ka fillu ne vitin 2011. Nuk ishte vec nje logo apo nje fushate vetedijesuese. Ishte pjese e nje vizioni me te madh: ndertimi i industrise vendore dhe krijimi i politikave publike qe i japin prodhuesit vendor mundesine me u rrite, me investu e me konkuru.

Sot, 15 vjet me vone, ende po diskutojme te njejten ceshtje.

Atehere prodhimi vendor sfidohej nga nje qasje ideologjike neoliberale. Sot, po demtohet nga vendime qe udhehiqen ga revanshizmi.

Por nje gje nuk ka ndryshu.

Nuk ka zhvillim te qendrueshem pa prodhim. Nuk ka ekonomi te forte pa industri. Nuk ka vende pune te pagume mire pa kompani vendore qe rriten, eksportojne dhe investojne.

Qeverite vijne e shkojne. Politikat ndryshojne. Por nje shtet qe nuk e mbron dhe nuk e zhvillon prodhimin e vet, e ka shume te veshtire me ndertu nje ekonomi te forte.

Kjo ka qene e vertete ne vitin 2011. Eshte edhe me e vertete sot.