Asociacioni i Gazetarëve të Kosovës, në bashkëpunim me Shërbimet Shëndetësore të Integruara, përmbylli sot në Prishtinë nismën për avancimin e raportimit mbi sëmundjet kronike jongjitëse dhe temat e shëndetit publik.

Në tryezën përmbyllëse “Përtej kryetitujve” u diskutua për bashkëpunimin mes gazetarëve dhe profesionistëve shëndetësorë, si dhe për rëndësinë e raportimit të saktë dhe të kuptueshëm për publikun.

Drejtoresha Ekzekutive e AGK-së, Getoarbë Mulliqi, theksoi nevojën për forcimin e lidhjeve mes medias dhe profesionistëve të shëndetësisë.

“Është e rëndësishme të krijojmë ura të qëndrueshme komunikimi”, tha Mulliqi.

Ndërkaq, Linda Baleta, Eksperte e Lartë për Avokim në IHS, foli për rëndësinë e bashkëpunimit në trajtimin mediatik të temave shëndetësore.

“Publikut duhet t’i ofrohen informacione të sakta dhe të bazuara në ekspertizë”, u shpreh Baleta.

Në diskutime morën pjesë Arbreshë Uka, Dr. Faik Hoti, Qëndresë Uka-Matoshi, Fekrije Hasani, Bubulina Peni, Dr. Ardita Baraku, si dhe Jehona Hulaj.

“Bashkëbisedimet u fokusuan në mënyrën se si ekspertiza profesionale mund të përkthehet në përmbajtje të qasshme për qytetarët, në rëndësinë e zërit të pacientit dhe të tregimeve njerëzore në raportimin shëndetësor, si dhe në rolin e gazetarisë në informimin, ndërgjegjësimin dhe nxitjen e debatit publik për parandalimin dhe menaxhimin e sëmundjeve kronike jongjitëse.” – thuhet në njoftim.

Prokuroria Themelore në Prizren ka ngritur aktakuzë ndaj katër personave për keqpërdorim të pozitës zyrtare, ndërtim pa leje dhe punime ndërtimore të kundërligjshme në një objekt në Suharekë.

Sipas aktakuzës, dy zyrtarë të Komunës së Suharekës, H.M. dhe A.D., dyshohet se nuk kanë ndërmarrë veprimet e nevojshme pasi kishin konstatuar parregullsi në objekt.

Investitori N.B. akuzohet se ka ndërtuar në kundërshtim me kushtet e lejes. Objekti ishte lejuar me etazhitet B+P+2, ndërsa sipas Prokurorisë është ndërtuar B+P+3 dhe janë tejkaluar vijat ndërtimore me rreth 730 metra katrorë.

Sipas aktakuzës, këto tejkalime i kanë mundësuar investitorit përfitim prej rreth 716 mijë eurosh, ndërsa Komunës së Suharekës i është shkaktuar dëm financiar për taksat e papaguara.

Ndërkaq, A.H., pronar i kompanisë ndërtimore “B.P.”, akuzohet për kryerjen e punimeve në kundërshtim me kushtet e lejes së ndërtimit.

Prokuroria ka kërkuar nga gjykata që, pas shqyrtimit gjyqësor dhe vlerësimit të provave, të pandehurit të shpallen fajtorë dhe të dënohen sipas ligjit.

Inspektorati Qendror i Punës ka ndaluar punimet në gjashtë objekte ndërtimi në Prishtinë, Pejë dhe Mitrovicë.

Inspektorati Qendror i Punës ka nxjerrë vendime për ndalimin e përkohshëm të punimeve në këto objekte ndërtimi, pasi ka konstatuar parregullsi në lidhje me sigurinë dhe shëndetin e punëtorëve.

Njoftimi i plotë:

Inspektorati Qendror i Punës, gjatë inspektimeve në objekte ndërtimi, përkatësisht në tri objekte në komunën e Prishtinës, dy në komunën e Mitrovicës dhe një në komunën e Pejës, ka konstatuar parregullsi dhe mosmarrje të masave të nevojshme për sigurinë dhe shëndetin në punë.

Për këtë arsye, Inspektorati Qendror i Punës ka nxjerrë vendime për ndalimin e përkohshëm të punimeve në këto objekte ndërtimi, deri në eliminimin e të gjitha mangësive të evidentuara dhe krijimin e kushteve të sigurta për zhvillimin e punës.

Inspektorati Qendror i Punës mbetet i përkushtuar në mbikëqyrjen e zbatimit të legjislacionit të punës dhe apelon te të gjithë punëdhënësit që të respektojnë standardet e sigurisë dhe shëndetit në punë, me qëllim të parandalimit të aksidenteve në vendin e punës.

Nëse dëshiron, mund ta bëj edhe

më gazetarisht të fortë, në stilin

Ish-presidentja e Kosovës, Vjosa Osmani, ka takuar ish-presidentin e ShBA-së, Bill Clinton.

Deputetja e LDK-së, e cila prej disa ditësh po qëndron për një vizitë në ShBA, ka zhvilliar disa takime atje.

Në profilin e saj në Facebook, ajo ka treguar se ish-presidentin amerikan e ka takuar gjatë pritjes se organizuar nga Clinton Global Initiative.

“Me Presidentin Bill Clinton në pritjen e organizuar nga Clinton Global Initiative”, ka shkrua ajo.

ish-luftëtari i Ushtrisë Çlirimtare të Kosovës, Fadil Pushkolli, ka njoftuar se është liruar nga Policia e Maqedonisë së Veriut, të cilët e kishin ndalur në kufij.

Ai ka bërë me dije se pas një intervistimi dhe marrjes në pyetje në kufi është liruar.

Në profilin e tij në Facebook, ai ka falënderuar policinë maqedonase për korrektësinë.

“Pas një interviste dhe marrjes në pyetje, jam liruar nga Policia e Maqedonisë së Veriut. Dua ta falënderoj Policinë e Maqedonisë së Veriut, në veçanti pjesëtarët e policisë shqiptare, për korrektësinë, respektin dhe sjelljen e mirë gjatë gjithë procedurës. #UÇK dje, liri sot!”, ka shkruar Pushkolli.

Ai ishte arrestuar mbrëmjen e së martës në bazë të një urdhërarresti të lëshuar nga Serbia.

Bashkimi Evropian pritet t’i heqë dy oligarkë nga lista e sanksioneve që u ishin vendosur pas fillimit të pushtimit të plotë rus të Ukrainës më 2022, sipas raportimeve, duke nxitur zemërim në Ukrainë.

Franca kishte bërë fushatë që miliarderi ruso-uzbek, Alisher Usmanov, të largohet nga lista e sanksionve, duke i përmendur si arsye “shqetësimet për sigurinë kombëtare”. Luksemburgu bëri thirrje për heqjen e biznesmenit ruso-izraelit, Mikhail Fridmna, i cili do ta padisë këtë shtet për zhbllokimin e aseteve të ngrira, raporton televizioni BBC.

Zyrtarët ukrainas thanë se kjo lëvizje është “e papranueshme” dhe dërgon porosi të gabuar te Moska.

“Moska po feston, sepse e mori atë që e deshi: ndjenjën e pandëshkueshmërisë, turpërimin e BE-së dhe përçarjen në mesin e evropianëve” – shkroi në rrjetin X ministri i Jashtëm i Ukrainës, Andriy Sybiha.

Ai u bëri thirrje të gjitha vendeve anëtare që të njoftojnë sanksione shtetërore kundër këtyre dy individëve. Letonia tashmë ka thënë se do të bëjë një gjë të tillë.

Kryeministri i Kanadasë, Mark Carney, tha të enjten se vendi i tij do të dhurojë 100 milionë dollarë kanadezë si asistencë ndërkombëtare për Palestinën.

Carney tha para gazetarëve në Kombet e Bashkuara se 80 milionë dollarë kanadezë do të ndahen si ndihmë humanitare për t’i lehtësuar vuajtjet e menjëhershme njerëzore, ndërsa 20 milionë dollarë kanadezë për t’i mbështetur paqen dhe ndërtimin e kapaciteteve të sigurisë, raporton agjencia e lajmeve “Reuters”.

Fondi Monetar Ndërkombëtar (FMN) do ta ndihmojë Ukrainën që të gjejë një pjesë të fondeve që i duhen për ta ruajtur stabilitetin financiar dhe ekonomik vitin e ardhshëm, tha të martën presidenti Volodymyr Zelensky, pas takimit me drejtoreshën e FMN-së, Kristalina Georgieva.

Në kohën kur lufta kundër Rusisë ndodhet në vitin e pestë, sigurimi i financave për vitet 2026 e 2027 mbetet sfidë kyçe për Ukrainën. Ky shtet ka nevojë për rreth 52 miliardë dollarë si ndihmë financiare ndërkombëtare për vitin e ardhshëm, thanë zyrtarët, raporton agjencia "Reuters".

“Rusët nuk po mundohen ta shkatërrojnë vetë jetën, por edhe ta pengojnë funksionimin e bizneseve dhe të shtetit sa më shumë që është e mundshme. Për këtë arsye, asistenca makrofinanciare është posaçërisht e rëndësishme për ne tani për tani” – tha Zelensky në aplikacionin “Telegram”, ku publikoi një video të takimit me Georgieva-n.

Ish-drejtoresha e SHISH Vlora Hyseni iu dorëzohet autoriteteve shqiptare në kufi me Kosovën, raporton Top Channel.

Gjykata e Posaçme ka caktuar masën e sigurisë “arrest në shtëpi”, të shoqëruar me pezullimin nga detyra pas hetimeve të SPAK.

Në njoftimin zyrtar të SPAK thuhet se Hyseni po hetohet për veprat penale “përkrahje të autorit të krimit” dhe “nxjerrje të sekretit hetimor”.

Kjo masë, nuk ka mundur dot të ekzekutohej pasi Vlora Hyseni ndodhej në një vizitë pune në Baku të Azerbajxhanit, ku merrte pjesë në një konferencë me drejtues të shërbimeve informative nga vende të ndryshme.

Presidenti i Shteteve të Bashkuara, Donald Trump, të martën u bëri thirrje vendeve anëtare të Gjykatës Penale Ndërkombëtare që të tërhiqen prej saj dhe e dënoi atë që e quajti “institucion jashtë kontrollit” dhe “një grup i lig i njerëzve”.

Trumpi tha në Asamblenë e Përgjithshme të OKB-së se vendi i tij nuk do t’i lejojë pjesëtarët e ushtrisë që të bëhen subjekt i atyre që i quajti gjykime shfaqje nga një tribunal antiamerikan, raporton agjencia e lajmeve “Reuters”.

“U bëj thirrje të gjitha kombeve që janë anëtare të GjPN-së që zyrtarisht të japin dorëheqje nga ky institucion batakçi menjëherë” – deklaroi kreu i Shtëpisë së Bardhë.

Gjykata Penale Ndërkombëtare në nëntorin e vitit 2024 lëshoi urdhërarrest për kryeministrin e Izraelit, Benjamin Netanyahu, nën dyshimet për krime lufte dhe krime kundër njerëzimit.