Numri i të vdekurve nga dy tërmetet e fuqishme që e goditën Venezuelën në qershor ka shkuar në 6.125, sipas të dhënave të publikuara të hënën nga kryetari i Asamblesë Kombëtare, Jorge Rodriguez.

Gati 61 mijë njerëz kanë shkuar në spitale, sipas të dhënave që zyrtari i lartë i publikoi në rrjetin “Telegram”, ku shtohet se 16,5 për qind e mbetjeve që janë krijuar pas tërmeteve janë larguar, raporton agjencia e lajmeve “Reuters”.

Presidentja në detyrë, Delcy Rodriguez, e cila mbështetet nga homologu amerikan, Donald Trump, e ka mbrojtur reagimin qeveritar mes kritikave se personeli ushtarak dhe zyrtarë të tjerë kishin arritur vonë në zonat e prekura dhe kanë bërë pak për t’i ndihmuar viktimat e tërmeteve, përfshirë njerëzit që mbetën të ngujuar nën rrënoja.

Themeluesja e Fondit për të Drejtën Humanitare në Beograd, Natasha Kandiq, ka vlerësuar se Serbia nuk ka vullnet politik për hapjen e arkivave shtetërore.

Duke komentuar zbulimin e dy varrezave masive në afërsi të Zubin-Potokut, ajo ka kërkuar që të shtohet presioni nga ndërkombëtarët për hapjen e këtyre arkivave.

“Pse nuk ka vullnet politik? Natyrisht se nuk ka vullnet politik në Serbi, sepse në pushtet është partia dhe koalicioni që në fakt ka marrë pjesë në të gjitha për sa i përket luftës, duke filluar nga mbështetja për politikën e luftës, pastrimin etnik... Ne edhe sot kemi këtë situatë që publikisht mund të dëgjojmë që ata që kanë pozita të larta shtetërore në Serbi të thonë se është dëm sepse Milosheviqi nuk ka kryer pastrimin etnik”, ka deklaruar Kandiq, raporton RTK.

Pas paralajmërimeve të Institutit Hidrometeorologjik të Kosovës për temperatura të larta, Agjencia e Menaxhimit Emergjent (AME) ka dal me disa kërkesa.

Përmes një komunikate për media, kjo agjenci ka kërkuar zbatimin e rreptë të masave parandaluese nga fermerët.

“Agjencia e Menaxhimit Emergjent (AME) lëshon këtë apel urgjent për rritjen e vigjilencës dhe kujdesit të shtuar nga të gjithë qytetarët, me theks të veçantë tek fermerët dhe bujqit. Në këto kushte klimatike, rreziku nga shpërthimi dhe përhapja e shpejtë e zjarreve në fusha dhe pyje vleresohet e lartë, me potencial në rritje të rrezikut”, është thënë në komunikatë, duke treguar se për cilat veprime bëhet fjalë.

“Ndalohen rreptësisht zjarrvëniet në ara pas të korrave, ndalohet rreptësisht djegia e kashtës, mbetjeve korrëse dhe vegjetacionit nëpër ara për arsye të "ashtuquajturës pastrimi për të mbjellat e radhës". Ministria e Bujqësisë dhe pylltarisë dhe zhvillimit rural, është në gatishmëri për situatë dhe po përcjellë paralajmërimin me vigjilencën e shtuar”, është thënë në komunikatë.

Analisti Ylli Hoxha ka vlerësuar se ftesa e liderit të VV-së, Albin Kurti, për liderët e PDK-së dhe Aleancës ishte sa për sy e faqe.

Në emisionin “Debat Plus”, ai ka deklaruar se liderët e këtyre dy partive Kurti ka mundur t`i takonte edhe më herët.

Sipas tij, ftesa e Kurtit për këto dy subjekte nuk kishte qëllim serioze.

“Realisht nuk ka pasur asnjë pengesë që ftesat për AAK-në dhe PDK-në të dërgoheshin më herët. Përgjigjet negative erdhën pasi këto ftesa u dërguan më shumë sa për sy e faqe, sesa me një qëllim serioz për t’i përfshirë në skemën e zgjedhjes së qeverisë”, ka thënë Hoxha.

Spitali i Përgjithshëm i Gjakovës ka dhënë detaje të reja për aksidentin që ka ndodhur sot në rrugën magjistrale Gjakovë–Klinë, në fshatin Mrasor.

Përmes një njoftimi spitali ka treguar se 10 persona janë pranuar në repartin e Emergjencës.

Sipas njoftimit, 2 prej tyre janë transferuar në QKUK.

“Rreth orës 19:10, në Repartin e Emergjencës të Spitalit të Përgjithshëm të Gjakovës janë pranuar 10 persona të lënduar nga aksidenti i trafikut që ka ndodhur në fshatin Mrasor. Pas ekzaminimit dhe trajtimit fillestar, pacientët janë sistemuar si vijon: * Gjithsej të pranuar në Repartin e Emergjencës: 10 persona * Të transferuar në Qendrën Klinike Universitare të Kosovës (QKUK) për trajtim të mëtejmë: 2 pacientë * Të pranuar në Repartin e Ortopedisë: 5 pacientë * Të pranuar në Repartin e Kirurgjisë: 1 pacient * E pranuar në Repartin e Gjinekologjisë (paciente shtatzënë): 1 paciente * Të liruar për trajtim në shtëpi: 1 pacient”, është thënë në njoftimin e spitalit.

Analisti Imer Mushkolaj ka ironizuar për zhvillimet e fundit në LDK.

Duke shtruar një pyetje në profilin e tij në Facebook, ai ka lënë të kuptohet se tani LDK-ja është e ndarë në dy grupe.

Sipas tij, ende nuk po dihet se cila është LDK-ja e vërtetë.

“A po dihet hala cila LDK është "e vërteta"?”, ka shkruar ai.

Presidenti i Shteteve të Bashkuara, Donald Trump, të hënën tha se Irani ballafaqohet me “heqje koke”, nëse nuk pajtohet për një pakt për përfundimin e konfliktit mes dy vendeve, duke thënë se Teherani ka edhe një mundësi të fundit për të bërë marrëveshje.

“Mendoj se ndoshta do të nxjerrim diçka, por dua t’u jap atyre secilën mundësi të fundit para heqjes së kokës” – tha ai, duke e përsëritur kërcënimin për nisjen e një sulmi domethënës ndaj Iranit, raporton agjencia e lajmeve “Reuters”.

Më herët të hënën, pasi Irani tha se nuk po zhvilloheshin bisedime me Uashingtonin, Trumpi e kritikoi atë që e quajti udhëheqësi “tepër mashtruese” të Iranit.

Kur u pyet për statusin e bisedimeve, Trumpi para gazetarëve tha: “Ato po vazhdojnë si duhet tani.” Kreu i Shtëpisë së Bardhë shtoi se dy palët po bisedonin me kërkesë të Iranit, Arabisë Saudite, Emirateve të Bashkuara Arabe dhe Katarit, si dhe të disa vendeve të tjera.

“Kjo është një mundësi e fundit për ta që të nënshkruajnë një dokument të mirë” – tha kreu i Shtëpisë së Bardhë, duke iu referuar Iranit.

Policia e Kosovës ka njoftuar për një aksident trafiku në rrugën magjistrale Gjakovë–Klinë, në fshatin Mrasor.

Zëdhënësja e Policisë së Kosovës për rajonin e Gjakovës, Vlera Krasniqi, ka bërë me dije se në këtë aksident janë lënduar shtatë persona.

Sipas saj, në aksident janë përfshirë dy automjete.

“Në aksident janë përfshirë dy automjete. Deri më tani janë raportuar shtatë persona të lënduar, të cilët kanë marrë trajtim mjekësor. Njësia Rajonale e Trafikut Rrugor është duke e trajtuar rastin”, ka shkruar Krasniqi, raporton KlanKosova.

Kryetari i Komunës së Prishtinës, Përparim Rama, ka bërë me dije se përmes fushatave të orkestruara politike po mundohen ta denigrojnë.

Ai ka treguar se kjo është një fushatë e ulet, e cila nuk ka të bëjë me politikë dhe demokraci.

Në profilin e tij në Facebook, Rama ka shkruar se të gjithë orkestruesit e kësaj fushatës linçuese, ku i përmendet edhe gruaja, do të përballen me drejtësinë.

“Të dashur qytetarë, Tash e sa kohë, përmes një fushate të orkestruar politike, janë përpjekur të më intimidojnë dhe të më diskreditojnë. Por, ditët e fundit shënuan kulmin e kësaj fushate të ulët, ku në shënjestër nuk jam më vetëm unë, por edhe bashkëpunëtorët e mi dhe bashkëshortja ime. Kur një betejë politike zbret në shpifje, fyerje dhe denigrim të familjarëve e njerëzve që nuk janë pjesë e përplasjes politike, nuk kemi më debat demokratik dhe as llogaridhënie. Kemi një përpjekje të vetëdijshme për të frikësuar dhe për të ushtruar presion”, ka shkruar ai, duke shtuar se shpifësit do të përballen me drjetesinë.

“Kam vlerësuar faktin që çdo pretendim për interes publik t’u drejtohet institucioneve të drejtësisë. Kjo është rruga e vetme në një shtet demokratik. Por mos e fshihni denigrimin, gjuhën e urrejtjes dhe linçimin prapa pretendimit për interes publik! Po të ishte vërtet ky qëllimi, njerëzit që nuk kanë asnjë lidhje me pretendimet e ngritura nuk do të ishin bërë pjesë e një sulmi kaq të ulët dhe kaq të neveritshëm. Përfshirja e tyre nuk është llogaridhënie. Nuk është interes publik. Është kalim i çdo kufiri njerëzor, moral dhe institucional. Edhe më shqetësues është fakti se kjo përmbajtje u përdor si instrument politik në Asamblenë e Kryeqytetit. Ky është treguesi më i qartë i degradimit të debatit publik dhe i standardit politik që disa kanë zgjedhur të përfaqësojnë”, ka shkruar ai, duke shtuar se nuk do të ndalet ndaj shpifësve.

“Ju siguroj se ky rast do të trajtohet deri në instancat më të larta të drejtësisë. Jo vetëm për të mbrojtur të vërtetën, por edhe dinjitetin e njerëzve që u linçuan publikisht dhe padrejtësisht pa pasur asnjë lidhje me pretendimet e ngritura. Kushdo që ka marrë pjesë në orkestrimin, nxitjen apo përhapjen e kësaj fushate linçuese e denigruese do të identifikohet dhe do të mbajë përgjegjësi para drejtësisë. Shteti ligjor nuk mund të lejojë që linçimi dhe denigrimi të përdoren si instrumente të veprimit politik. Kjo nuk është më politikë. Është çnjerëzore!”, ka shkruar Rama.

Deputeti i zgjedhur i PDK-së, Artan Behrami, ka komentuar çmimet e larta të naftës.

Ai është shprehur i habitur me shtrenjtimin e vazhdueshëm të naftës në Kosovë.

Në profilin e tij në Facebook, ai ka publikua një grafikon që tregon se në bursat ndërkombëtare çmimin i naftës është në rënie.

“Derisa në bursat ndërkombëtare çmimi i naftës është në rënie, në Kosovën e okupuar çmimet e derivateve vazhdojnë të rriten!”, ka shkruar ai.