Zyrtare: Mauricio Pochettino emërohet trajner i Chelseat

Chelsea ka njoftuar se e ka emëruar Mauricio Pochettinon trajner të ri të skuadrës në një marrëveshje afatshkurtër.

Trajneri argjentinas, 51 vjeç, do ta nisë punën në Stamford Bridge nga 1 korriku 2023 në një marrëveshje dyvjeçare, me mundësi për edhe një vit tjetër.

Ai do ta pasojë trajnerin e përkohshëm Frank Lampard, i cili e udhëhoqi Chelsean drejt vendit të 12-të në Premierligë.

Të kaltrit ishin në kërkim të një trajneri të ri pasi e shkarkuan Graham Potterin në fillim të prillit dhe të hënën e konfirmuar ardhjen e ish-trajnerit të Tottenhamit.

“Mauricio është trajner i klasit botëror dhe një bagazh të shkëlqyer. Mezi presim ta kemi në ekip”, njoftoi Chelsea në një komunikatë për media.

Chelsea thotë se Pochettino ishte zgjedhja e parë dhe i vetmi trajner i cili ishte sjell në klub për bisedime.

“Përvoja, standardet e shkëlqesisë, cilësitë e udhëheqësit dhe karakteri i Pochettinos do t’i shërbejnë klubit të futbollit Chelsea në rrugën përpara”, thuhet në njoftim.

Pochettino është trajneri i gjashtë i përhershëm i Chelseat në pesë vitet e fundit, pas shkarkimit të Thomas Tuchel dhe Graham Potter në fillim të këtij sezoni, që për pasojë pati emërimin e Lampardit si trajner të përkohshëm.

Argjentinasi do të rikthehet në Premierligë, ku në të kaluarën kishte udhëhequr rivalin e Chelseat, Tottenham Hotspur, si dhe Southamptonin.

Pochettino ka qenë i papunë qëkur u shkarkua nga Paris Saint-Germaini verën e kaluar pas vetëm 18 muajve në stolin e klubit nga kryeqyteti francez, të cilin e udhëhoqi drejt titullit në Ligue 1 më 2022 dhe Kupës së Francës një vit më herët.