Zyrtare: Ilkay Gungoan i bashkohet Barcelonës

Barcelona ka njoftuar se ka nënshkruar me mesfushorin Ilkay Gundogan, pas largimit të tij nga Manchester City si lojtar i lirë.

Kampionia spanjolle njoftoi se Gundogan do të nënshkruajë kontratë dyvjeçare, e cila përfshin një klauzolë liri në vlerë 400 milionë euro.

Marrëveshja, po ashtu, përfshin edhe mundësinë që Gundogan të qëndrojë në Camp Nou edhe për një vit tjetër.

Gundogan, 32 vjeç, kishte ofertë nga City për vazhdimin e kontratës, por vendosi të largohet në drejt të Katalonjës.

Trajneri i City Pep Guardiola ishte e etur për ta mbajtur Gundoganin, i cili ishte pjesë e rëndësishme e skuadrës që e fitoi tripletën këtë sezon.

Mesfushori gjerman i zhvilloi 51 ndeshje në sezonin 2022/23, duke i shënuar 11 gola.

Gundogan, marrëveshja e të cilit me Cityn mbaron në fund të qershorit, tha se për të ishte kënaqësi dhe privilegj që luajti për këtë klub.

“Manchesteri ka qenë shtëpia ime dhe jam ndier pjesë e një familje shumë të veçantë në City”, shkroi ai.