Shtyhet pezullimi i Lewandowskit, polaku i gatshëm të luajë për Barçën

Ylli polak i Barcelonës, Robert Lewandowski, do të jetë i gatshëm për ndeshjen e së shtunës ku skuadra e tij përballet me rivalin e qytetit, Espanyol. Njoftimin e ka dhënë vetë klubi, ku ka njoftuar se pezullimi i tij prej tri ndeshjeve është shtyrë.

Lewandowski ishte dënuar me tre ndeshje ndalim pasi u përjashtua kundër Osasunas para Kupës së Botës.

Futboll / Lewandowski dënohet me tri ndeshje pas kartonit të kuq kundër Osasunës

Reprezentuesi polak mori një pezullim me një ndeshje për marrjen e dy kartonëve të verdhë dhe dy ndeshje të tjera për një gjest që bëri teksa doli nga fusha. Lewandowski ishte ankuar se ai mendonte se dënimi ishte shumë i rëndë dhe tani duket se i është dhënë një lehtësim.

Futboll / Lewandowski: Dënimi me tri ndeshje moslojë me Barcelonën është i tepruar

Lajmi është një nxitje e madhe për Barcelonën teksa përgatitet të kthehet në aksion pas Kupës së Botës.

Lewandowski është golashënuesi më i mirë i La Ligës deri më tani këtë sezon me 13 gola në 14 ndeshje dhe tani pritet të fillojë ndeshjen kundër rivalëve vendas të Barcelonës në Camp Nou.

“Lewandowski mund të luajë nesër kundër Espanyolit pasi gjykata e zgjidhjes së mosmarrëveshjeve në Madrid lëshoi ​​një masë paraprake kundër pezullimit të vendosur nga gjykata e arbitrazhit për sportin”, thuhet në një deklaratë të klubit katalunas.

Lewandowski tani duhet të presë për një vendim përfundimtar për pezullimin e tij. Ndërkohë Barcelona përballet me Espanyol të shtunën dhe më pas udhëton te skuadra e nivelit të tretë, Intercity në Kupën e Mbretit të mërkurën.

Barcelona është liderë në elitën spanjolle në 14 ndeshje të zhvilluara deri më tani, ku ka dy pikë më shumë se kampioni në fuqi, Real Madrid, në po aq ndeshje.