Saka nënshkruan kontratë të re afatgjate me Arsenalin

Bukayo Saka ka nënshkruar kontratë të re afatgjate me Arsenalin të martën.

Sulmuesi anglez i ka shënuar 14 gola dhe i ka dhënë 11 asiste për topçinjtë këtë sezon.

Edhe pse vetëm 21-vjeçar ende, ai i ka bërë 178 paraqitje për Arsenalin dhe ka luajtur në të gjitha ndeshjet e klubit në Premierligë në dy sezonet e fundit.

“Jam shumë i lumtur”, tha Saka pasi nënshkroi kontratën.

“Mendoj se ky është klubi i duhur, vendi i duhur për ta bërë hapin e radhës. Është një klub shumë i bukur”, theksoi ai.

Marrëveshja e deritanishme se Sakas do të kishte përfunduar në vitin 2024.

Arsenali e pret Wolvesin në ndeshjen e fundit të sezonit të dielën, pasi e humbi për pak titullin në Premierligë në garë me Manchester City.

Ai shtoi: “Mendoj se kam gjithçka që është e nevojshme për t’u bërë më i miri që mund të bëhem, prandaj jam i lumtur që po qëndroj këtu, sepse unë vërtet besoj se ne mund të arrijmë gjëra të mëdha”.

Trajneri Mikel Arteta u shpreh i kënaqur që do të vazhdojë ta ketë anglezin nën urdhrat e vet në Emirates.

“Është shumë mirë për klubin që Bukayo e ka vazhduar kontratën. Mbajtja e talenteve tona të rinj është çelësi për përparimin tonë të vazhdueshëm dhe Bukayo është pjesë shumë e rëndësishme e skuadrës sonë tani dhe në të ardhmen”, tha Arteta.