Richarlison në lot pas lëndimit një muaj para Kupës së Botës

Sulmuesi i Tottenham Hotspurit, Richarlison, u zëvendësua në ndeshjen e djeshme kundër Evertonit pas një lëndimi të pësuar në pulpën e këmbës dhe teksa po intervistohej u pa në lot. Ky lëndim vjen kur kanë mbetur edhe një muaj deri në fillimin e Kupës së Botës.

Braziliani u rrëzua në fillim të pjesës së dytë të ndeshjes në Premierligë kundër ish-skuadrës së tij dhe duhej të merrte trajtim para se të zëvendësohej nga Yves Bissouma pas 52 minutash. Richarlison eci drejt poshtë tunelit kur u largua nga fusha.

Sulmuesi do të shpresojë që lëndimi të mos jetë shumë serioz ndërsa Kupa e Botës afrohet. 25-vjeçari po lufton për një vend në skuadrën e Brazilit për turneun muajit të ardhshëm, dhe para dëmtimit të tij, dukej gjithnjë e më shumë e mundshme që ai mund të merrte një rol titullar.

Richarlison ishte në lot kur foli për ESPN Brasil për lëndimin, duke thënë: "Është disi e vështirë të thuhet sepse është afër realizimit të ëndrrës sime [Kupa e Botës]. Unë kam pësuar tashmë një dëmtim të ngjashëm me këtë, por shpresoj se mund të shërohet sa më shpejt të jetë e mundur. Herën e fundit kur isha në Everton, isha jashtë fushës për rreth dy muaj."

Trajneri i Spurs, Antonio Conte, tha pas ndeshjes: "Nuk e dimë, shpresojmë se nuk është aq serioze ajo dhimbje që ndjeu në këmbën e tij. Ai do të bëjë një MRI për ta kuptuar atë nesër, shpresojmë se nuk është serioze."

Conte do të shpresojë që dëmtimi i Richarlison të mos jetë i rëndë në mënyrë që ai të mund ta thërrasë atë të luajë në ndeshjen kundër Manchester United në Old Trafford më 19 tetor. Megjithatë, trajneri pranoi pas ndeshjes se nuk dukej mirë për atë lojë.