“Ndjenjë e çuditshme” – Laporta e ka të vështirë ta shohë legjendën e Barcelonës të luajë për Inter Miamin

Presidenti i Barcelonës, Joan Laporta, ka pranuar se përshkruhet nga një ndjenjë e çuditshme kur e sheh legjendën katalunase, Lionel Messi, duke luajtur për Inter Miamin.

Legjenda argjentinase ishte afër një rikthimi në Camp Nou me spekulimet e vazhdueshme kur arriti në fund të kontratës së tij me Paris Saint-Germain. Shtatë herë fituesi i Topit të Artë kishte kaluar dy sezone në Francë dhe iu dha mundësia të rifillonte hapat drejt Katalunjës . Ai, megjithatë, e refuzoi këtë interesim nga ish-skuadra dhe në vend të kësaj vendosi të shkonte të ndiqte ëndrrën amerikane me skuadrën e MLS, Inter Miami.

Laporta i tha ESPN-së kur u pyet gjatë turneut veror të Barcelonës në ShBA se si është të shohësh Messin që përfaqëson një ekip nga Shtetet e Bashkuara: “Është një ndjenjë e çuditshme. Ne e identifikojmë Messin me Barcelonën. Kështu mendoj se shumica e mbështetësve tanë e shohin Messin, sepse pjesa më e madhe e karrierës së tij ka qenë te Barça. Por ne e respektojmë vendimin e tij dhe i dëshirojmë më të mirën. Ne duam më të mirën për lojtarët tanë. Ai erdhi në Barcelonë si fëmijë, 14 vjeç dhe kaloi 20 vjet me ne. Shpresoj që ai të jetë shumë i lumtur në Miami.”