Manchester City e përmirëson ofertën për Gvardiol, kroati mund të bëhet mbrojtësi më i shtrenjtë
Kampioni në fuqi i Evropës, Manchester City, ka paraqitur një ofertë të përmirësuar për mbrojtësin kroat, Josko Gvardiol, te skuadra e tij aktuale Leipzig. Një shumë e tillë do ta bënte atë mbrojtësin më të shtrenjtë ndonjëherë në histori të afateve kalimtare.
City ka qenë i lidhur me Gvardiol gjatë gjithë verës dhe pa një ofertë me vlerë afër 90 milionë euro të refuzuar në fillim të kësaj vere. Leipzig ka duruar deri në një ofertë prej 100 milionë euro dhe kjo shifër tani është përmbushur, megjithëse kjo ofertë përfshin 90 milionë euro pagesë të menjëhershme dhe 10 të tjera në formë të bonuseve, sipas Sport Bild.
Ndërsa thuhet se ka një pritje që Gvardiol të transferohet te City këtë verë, Leipzig ende nuk e ka pranuar ofertën, pasi ata duan që të ketë kushte më të lehta për të arritur deri te bonuset. Nëse Manchester City do të bënte lëvizjen, ai do të bëhej mbrojtësi më i shtrenjtë në botë, duke ia kaluar Harry Maguire, i cili u transferua në Manchester United nga Leicester City për një total prej 92 milionë euro.
Leipzig nuk është nën ndonjë presion për të shitur Gvardiol, pasi ka parë tashmë Dominik Szoboszlai të largohet për t'u bashkuar me Liverpool, dhe ai ka një klauzolë lirimi në kontratën e tij me vlerë 112 milionë euro që aktivizohet verën e ardhshme, që do të thotë klubi mund të përpiqet ta mbajë atë deri atëherë. Megjithatë, ata shpresojnë të qartësojnë të ardhmen e tij përpara se të mbyllet afati i transferimeve në rast se duhet të blejnë një zëvendësues.
