Luis Suarez: S'e kam parë kurrë Messin duke qarë në atë mënyrë
Ish-sulmuesi i Barcelonës, Luis Suarez, ka thënë se largimi i tij nga katalanasit e ‘dëmtoi’ Lionel Messin, me sulmuesin uruguaian që pranoi se nuk e kishte parë kurrë më parë mikun e tij të ngushtë duke qarë në atë mënyrë.
Sulmuesi veteran u konsiderua i tepërt ndaj kërkesave në Camp Nou në vitin 2020, pavarësisht se shënoi 198 gola për katalanasit në 283 paraqitje. Ai u detyrua përfundimisht, të stërvitej i ndarë nga pjesa tjetër e skuadrës së parë të Ronald Koeman, dhe u largua për t’u lidh me Atletico Madrid në fund të një sage që kontribuoi në mënyrë të konsiderueshme që Messi të bënte shtytjen e tij për një largim në një situatë tashmë famëkeqe edhe për shkak të financave të rënduara.
Suarez i ka thënë ESPN-së për emocionin që shkaktoi largimi i tij nga Katalunia: “Më dhimbte dhe vuajtëm shumë. Erdhëm nga eliminimi në Ligën e Kampionëve kundër Bayern Munich, gjithçka ishte shumë e ndërlikuar dhe e dhimbshme. Së pari, për shkak të mënyrës se si shkuan gjërat, dhe gjithashtu për shkak të mënyrës se si na trajtuan.
“Shkova, u paraqita në stërvitje dhe më dërguan të stërvitem veçmas. Vuajta shumë dhe erdha në shtëpi dhe qava për mënyrën sesi më kishin trajtuar. Më lëndoi, ishte edhe një mesazh që donin ta linin të qetë Leon, ta ndanin. Kaluam keq. Leo vuajti shumë. Nuk e kisha parë kurrë Messin të qante siç e pashë të qante te Barcelona, kjo e lëndoi atë. E kam pasur gjithmonë atë pasiguri se pse ndodhi gjithçka, por më pas për fat isha i lumtur te Atletico Madrid”.
Messi dhe Suarez shijuan suksese të konsiderueshëm së bashku në Barcelonë, me yllin brazilian Neymar që kompletoi repartin legjendar sulmues 'MSN' dhe u ndanë duke shijuar së bashku triumfin e La Ligës dhe të Ligës së Kampionëve.
Messi u largua nga Camp Nou në vitin 2021, pasi ai shkoi në Paris Saint-Germain si lojtar i lirë, ndërsa Suarez tani është kthyer në atdheun e tij në skuadrën Nacional pasi ka ndërprerë lidhjet me Atletico pas dy sezonesh të kaluara në Madrid.
