Liverpooli i bashkohet Arsenalit dhe Chelseat në garë për talentin 19-vjeçar të Southamptonit

Liverpooli i është bashkuar Arsenalit dhe Chelseat në garë për mesfushorin e talentuar të Southamptonit, Romeo Lavia, për të cilin interes kishte shfaqur edhe Manchester United.

Të kuqtë janë të fundit që kanë shprehur interesim për Lavia, raporton The Daily Mail. Reprezentuesi belg iu bashkua ‘Shenjtorëve’ nga Manchester City verën e kaluar dhe bëri përshtypje pavarësisht se nuk arriti t'i ndihmojë ata të shmangin rënien nga Premierliga. Arsenali ishte skuadra e parë që pyeti për 19-vjeçarin në fillim të këtij muaji, por Chelsea dhe Manchester United po ndjekin gjithashtu Lavian, i cila mund të kushtojë rreth 60 milionë euro.

Kontrata e të riut në St Mary's Stadium skadon në vitin 2027, kështu që Southampton do të përpiqet të marrë një shumë të madhe nga një lojtar i cili u nënshkrua për 16 milionë euro në më pak se një vit më parë. Për më tepër, nëse një mori klubesh bëjnë oferta për të, shenjtorët mund të jenë në gjendje të rrisin çmimin në një shumë më të madhe për një nga asetet e tyre të çmuara.

Arsenali thuhet se ka punuar shumë për një marrëveshje për Lavian në dy javët e fundit, por asnjë ofertë zyrtare nuk është dorëzuar. Belgu bëri 34 paraqitje në të gjitha garat sezonin e kaluar.

Lavia ka të ngjarë të jetë një nga sagat e mëdha të transferimeve këtë verë. Ai pritet të largohet nga Southampton në muajt e ardhshëm.