Legjenda e Interit thotë se Lukaku u tall me të gjithë tifozët zikaltër
Romelu Lukaku në një moment ishte sulmuesi i ‘artë’ i Interit, i dëshiruar nga të gjithë te gjiganti italian, por tani ai lehtësisht mund të cilësohet si lojtari më i urryer te zikaltrit.
Lukaku ishte caku i kritikave të Alessandro Altobelli ndërsa ai inkurajoi Interin të rekrutonte ish-lojtarin e West Ham, Marko Arnautovic. Pasi zgjodhi të negocionte fshehurazi me Juventusin këtë verë, kur zikaltrit po përpiqeshin të aranzhonin një marrëveshje me Chelsean, sulmuesi 30-vjeçar belg bëri bujë në të gjithë Serinë A.
Altobelli përmes Gazzetta dello Sport, tha: “Arnautovic ishte në Inter 13 vjet më parë. Edhe pse ka kaluar shumë kohë, kjo mund ta ndihmojë atë të përshtatet. Dhe sigurisht që mund të ketë një ndikim në arsyetimin e drejtorëve të Interit. Pasi kanë arritur në këtë pikë, ata preferojnë lojtarë që e njohin ligën tonë dhe Arnautovic e njeh mirë. Sigurisht, të luash për Bolognën nuk është sikur të luash për Interin… Dzeko mori një ofertë të mirë në Turqi dhe për Lukakun as që ia vlen të flitet, ai u tall me një bazë të tërë fansash, në të vërtetë të gjithë tifozët italianë, sepse ka mënyra dhe mjete për të provuar të arrini qëllimet tuaja.”
Pas marrjes së vendimit për të ndjekur Arnautovicin, Inter thuhet se ngriti ofertën e tyre për Bolognan të shtunën, duke thënë se ata ishin të përgatitur të paguanin rreth 8 milionë euro. kuqekaltrit janë vendosur të bien dakord për një transaksion për rreth 10 milionë euro në total. Ndërsa Lukaku ende nuk ka një destinacion të caktuar me afatin kalimtar drejt fundit.
Thashethemet për Lukakun janë shterur gjatë javës së fundit dhe duket e mundshme që belgu mund të përfundojë me qëndrim te Chelsea, me largimin e Dusan Vlahovic nga Juventusi që akoma mbetët në ‘ajër’.
