“Kush, unë?” – Momenti qesharak kur Morata nuk e kupton se ka shënuar gol për Atletico Madrid
Ylli i Atletico Madridit, Alvaro Morata, u bë pjesë i një momenti qesharak, kur shënoi golin për 2:0 në fitoren ndaj Elches, por nuk ishte i vetëdijshëm që kishte shënuar gol, kështu duke e pyetur Antoine Griezmann se kush shënoi.
Përfaqësuesi spanjoll shënoi për të dyfishuar rezultatin, ku goditja e tij u devijua nga portieri mysafir, që ishte goli i fitores 2:0, me golin hapës të Joao Felix.
Por Morata nuk e kuptoi se ishte ai që dërgoi topin në rrjetë, pasi paraprakisht u përfshi në një duel me mesfushorin e Elches, Clerc, përpara se goditja e tij të përfundonte prapa krahëve të Edgar Badia.
Topi kalo vijën fatale, megjithatë Morata e kuptoi se kishte shënuar vetëm kur ka finalistin e Kupës së Botës, Antoine Griezmann, duke festuar për golin.
Pamjet brilante u shfaqën më vonë në rrjetet sociale të një Morata të hutuar duke pyetur Griezmann - i cili çuditi me një stil të ri flokësh ngjyrë rozë – se kush e shënoi golin.
Morata had no idea he'd scored... 😂😂@atletienglish | @AlvaroMorata pic.twitter.com/6yTQNX9aWb
— LaLigaTV (@LaLigaTV) December 29, 2022
Pas ndeshjes, ish-sulmuesi i Chelseat, i cili vazhdon të lidhet me një kalim huazimi te Manchester United, tha për Movistar: “Isha në tokë dhe mendova se ishte një gol nga Griezmann. Mendova se pasi kishte rikuperuar topin, ai kishte shënuar. Ishte e rëndësishme të fitonim. Sidomos në stadiumin tonë, duam që tifozët ta kenë një fund të mirë të vitit të tyre. I falënderojmë për mbështetjen që na bënë.”
Fitorja 2:0 ndaj Elches në Metropolitana, Atletico Madridin e dërgon në pozitën e tretë për momentin me 27 pikë në 15 ndeshje të zhvilluara, një më shumë se Sociedad që ka një lojë më pak dhe 10 pikë më pak se lideri Barcelona.
