Joao Canceo në ‘radarin’ e Arsenalit, synohet zëvendësimi i të lënduarit Jurrien Timber
Raportohet se Arsenali është gati t’i bashkohet Barcelonës në garë për yllin portugez, Joao Cancelo, pasi humbën Jurrien Timber, që u dëmtua rëndë në debutimin e tij në Premierligë.
Topçinjtë menduan se kishin mbuluar të gjitha hapësirat në mbrojtje kur e transferuan holandezin Timber nga Ajaxi, por ai pësoi një dëmtim serioz në gju në fundjavën e hapjes së sezonit 2023-24 të Premierligës që do të kërkojë kirurgji. Për pasojë Mikel Arteta është rikthyer në afatin kalimtar për përforcime.
Reprezentuesi portugez i gjithanshëm Cancelo është një lojtar që është futur së fundmi në radarin e transferimeve të Arsenali, me 29-vjeçarin që nuk konsiderohet më si startues te Manchester City. Ai ishte nën drejtimin e Pep Guardiolës në para-sezon, pasi u kthye nga një periudhë huazimi në Bayern Munich, por që atëherë është lënë jashtë skuadrave të Community Shield, Premierligës dhe Superkupës Evropiane.
Sipas 90min, Arsenali tani po mendon për zëvendësim. Megjithatë, ata do të përballen me konkurrencë serioze për Cancelon nga gjigantët e La Ligas, Barcelona. Thuhet se skuadra katalanase ka rënë dakord për kushtet personale me portugezin, por ende nuk ka bërë një marrëveshje me Cityn. Kjo për shkak se ata do të preferonin të shihnin një opsion blerjeje jo të detyrueshme të përfshirë në çdo paketë, ndërsa kampionët anglezë po kërkojnë garanci se një lëvizje e përhershme do të bëhet në vitin 2024.
Cancelo ka ndezur interesimin nga Arabia Saudite, por mund të ndodhë që Arsenali t'i ofrojë atij një mundësi për të qëndruar në futbollin anglez, pasi ata kërkojnë të gjejnë mbulesë për Timber gjatë periudhës së tij të detyrueshme jashtë fushës.
