FSG: Liverpool nuk është në shitje
Presidenti i Liverpoolit, John W Henry thotë se Fenway Sports Group (FSG) nuk është i interesuar ta shet klubin nga Merseyside.
Henry thotë se nuk po e shesin Liverpoolin, thjesht duan disa partnerë, derisa për momentin s’ka asgjë konkrete.
“E di që ka pasur shumë biseda dhe citate rreth LFC, por unë i qëndroj fakteve: ne thjesht kemi zyrtarizuar një proces të vazhdueshëm”.
“A do të jemi përgjithmonë në Angli? Jo. A po shesim LFC? Jo. A po flasim me investitorët për LFC? Po. A do të ndodhë diçka atje? Unë besoj se po, por nuk do të jetë një shitje. A kemi shitur ndonjë gjë në 20+ vitet e fundit?”, tha Henry për “BostonSportsJournal.com”.
Nëntorin e kaluar ‘shpërthyen’ lajmet se “Reds” është shitje ku ka pasur edhe disa biseda për shitjen e klubit anglez.
Fakti që Henry është më i gatshëm të flasë hapur për procesin tani mund të sugjerojë mungesë interesi për një blerje të plotë në atë lloj niveli që do ta kishte tunduar FSG-në të shkarkonte klubin që bleu në 2010.
Ndryshe nga Chelsea dhe Manchester United, pronarët e Liverpool nuk caktuan kurrë një afat për ofertuesit e mundshëm. Në të vërtetë, procesi i tyre aktual i përpjekjes për të gjetur një investitor është një zgjatje e një investitori që ekziston prej disa vitesh, me Henrin të hapur për shitjen e aksioneve në Liverpool.
Në fillim të këtij sezoni, kryetari i Liverpoolit, Tom Werner tha se FSG pritet të qëndrojë në krye në Anfield "për një kohë të gjatë".
“Ne jemi duke eksploruar një shitje, por nuk ka asnjë urgjencë, asnjë afat kohor për ne, dhe për sa më përket mua, është biznes si zakonisht”
"Një rezultat mund të jetë administrimi ynë i vazhdueshëm për një kohë të gjatë”.
Një veprim të tillë e ka mirëpritur edhe Jurgen Klopp, i cili këshilloi pronarët të kërkojnë partnerë dhe jo blerës të drejtpërdrejtë pasi ka marrëdhënie të mirë me drejtuesit e tij.
