Frikë te Inter Miami, trajneri tregon për gjendjen fizike të Messit

Trajneri i Inter Miamit, Gerardo Martino, është munduar ta minimizojë një lëndim të mundshëm të yllit Lionel Messi, para ndeshjes gjysmëfinale të Kupës së Ligës ndaj Philadelphia Union, ndonëse shtatë herë fituesi i Topit të Artë ndjeu shqetësime në stërvitjen e djeshme.

Messi ka shënuar tetë herë në pesë ndeshje që kur iu bashkua skuadrës së MLS në korrik, duke ndihmuar Miamin të arrijë në gjysmëfinalet e Kupës së Ligës. Megjithatë, ai u duk se pësoi lëndim në kyçin e këmbës së djathtë në stërvitje të hënën përpara ndeshjes së tyre me Philadelphia Union gjysmëfinale. Pavarësisht kësaj, trajneri i Miamit, Martino, ka zhvlerësuar një dëmtim të mundshëm për 36-vjeçarin.

"Unë isha vetëm në një pjesë të seancës sepse kisha një takim më pas dhe po mbaroja përgatitjet, kështu që nuk e pashë saktësisht se çfarë ndodhi. Por nëse do të ishte diçka serioze, jam i sigurt që të gjithë do të kishin qenë i tronditur”, tha Martino një ditë para se skuadra e tij të dalë në gjysmëfinalen e Kupës së Ligës kundër Philadelphia Union. “Meqë të gjithë ishin mirë, imagjinoj se asgjë nuk ka ndodhur”.

Messi ka qenë një ‘magji’ për Miamin që kur u largua nga Paris Saint-Germain në fillim të kësaj vere. Ata ishin pa fitore në 11 ndeshje, por tani kanë fituar pesë radhazi që nga ardhja e legjendës së Barcelonës muajin e kaluar, duke mos pasur rezultate negative.

Miami do të përpiqet të kalojë në finalen e kësaj gare me takimin që zhvillohet në mëngjesin e së mërkurës, përpara se të përballet me FC Cincinnati në gjysmëfinalen e ‘Open Cup’ të ShBA më 24 gusht.