Akuzohet për 262 raste të ndryshme, ylli i Premierligës mund të pezullohet gjatë nga FA
Ylli i Premierligë, Ivan Toney, mund të përballet me një pezullim nga futbolli për disa muaj, pasi fillimisht u akuzua për vendosje bastesh në lojë futbolli, ndërsa tani raportohet se ai ka pranuar fajin dhe një seancë dëgjimore në FA brenda pak ditësh do të vendosë për fatin e tij.
26-vjeçari po përballet me 262 akuza nga Federata e Futbollit të Anglisë (FA) në lidhje me lojërat e fatit në futboll – të cilat datojnë nga viti 2017, dhe Daily Mail raporton se ai është deklaruar fajtor për shumë prej tyre.
Akuzat u lëshuan në dhjetor dhe thuhet se Toney do të përballet me një seancë dëgjimore në FA menjëherë, me një ndalim që pritet të vendoset para përfundimit të sezonit. Precedenti i vendosur nga rastet që përfshijnë lojtarë si Joey Barton, i cili u dënua për 18 muaj (reduktuar në 13) pasi pranoi se kishte vendosur 1260 baste në futboll, do të thotë se Toney ka të ngjarë të presë një pezullim nga i gjithë futbolli për disa muaj.
Është raportuar se Toney – 14 golat e të cilit në Premierligë këtë sezon e kanë çuar Brentfordin në vendin e nëntë – është 'dorëzuar' për të marrë një pezullim dhe do të pranojë fatin e tij.
Detajet zyrtare të çështjes Toney do të zbulohen pas seancës dëgjimore të FA-së, pas së cilës lojtari ka të ngjarë të lëshojë një deklaratë dhe shkalla e plotë e çdo pezullimi ose ndalimi do të dalë publikisht.
