Viti 2019, Albulena Haxhiu: Vendimi i punëtorëve të arsimit për grevë, është i duhur
I madh e i vogël nga pushteti, i janë sulur sindikatave për grevën e përgjthshme.
Megjithatë, jo shumë kohë më parë, madje pak pasi kanë kaluar 3 vjet, pushteti duket se ka ndryshuar qëndrimet radikalisht.
Në janarin e vitit 2019, ministrja e Drejtësisë, Albulena Haxhiu, i kishte dalur në përkrahje Sindikatës së Bashkuar për Arsim, Shkencë dhe Kulturë.
Ajo e kishte vlerësuar grevën e punëtorëve të arsimit si krejtësisht të drejtë, transmeton Nacionale.
“Vendimi për të hyrë në grevë është i duhur dhe duhet ta ketë mbështetjen edhe të prindërve sepse për këtë nuk janë fajtorë punëtorët e arsimit, por Qeveria e papërgjegjshme e cila e ka thelluar krizën dhe diskriminimin. Një qeverie që nuk e qan kokën për dinjitetin dhe mirëqenien e mjekut, mësuesit por vetëm ka hallin e interesit personal, duhet përgjigjur me grevë”, thuhej në postimin e Albulena Haxhiut.
POSTIMI:
