Tërhiqet trupi i pajetë i gruas së vrarë nga vendi i ngjarjes
Sot rreth orës 18:00 ka ndodhur një vrasje e rëndë para klinikës së Gjinekologjisë në QKUK.
Dyshohet se një vrasje e rëndë ka ndodhur sot në oborrin e QKUK-së në Prishtinë.
Nacionale ka mësuar se trupi i pajetë i viktimës është tërhequr nga vendi i ngjarjes nga IML.
Gazeta Nacionale ka mësuar detaje të reja lidhur me vrasjen e gruas pranë repartit të Gjinekologjishë në QKUK.
Siç ka mësuar gazetarja e Nacionales, Anita Nikaj, e cila po raporton nga vendi i ngjarjes, viktima ishte e shtrirë në repartin Obstetrik dhe ishte në javën e fundit të shtatëzënisë.
Tutje gazeta mëson se një patrullë e policisë është dërguar edhe te shtëpia e dorasit.
Ky i fundit ende është në arrati, ndërsa ka raportime se është i arrestuar, por Nacionale nuk ka arritur ka konfirmojë këtë.
Rrethanat e ngjarjes nuk dihen, ndërsa aty shihet Policia e Kosovës që ka filluar me hetimin preliminar të rastit makabër.
