Sot rifillon mësimi në të gjitha shkollat, përveç Malishevës, Fushë Kosovës dhe Drenasit
Sot do të rifillojë mësimi në të gjitha shkollat e Kosovës, përveç tri komunave.
Fjala është për Malishevën, Fushë Kosovën e Drenasin.
Drejtoria Komunale për Arsim në Fushë Kosovë ka njoftuar se fillimi i gjysmëvejetorit të dytë në të gjitha institucionet e arsimit parauniversitar në këtë komunë është shtyrë për një javë, deri më19 janar.
Komuna e Malishevës ka njoftuar se mësimi në shkollat e kësaj komune shtyhet deri më 14 janar.
Edhe Komuna e Drenasit ka shtyrë rifillimin e procesit mësimor deri të mërkurën si shkak i gjendjes së vështirësuar nga reshjet atmosferike kohëve të fundit në këtë komunë.
