Përkrahësi i VV i komenton Hoxhës: Pse po linçon, mësimdhënësit janë shtyllë e patriotizmit
Korab Balaj, i cili e ka përkrahur Lëvizjen Vetëvendosje, i ka reaguar eksponentit të kësaj partie, Elvis Hoxha, i cili sot e linçoi kryesindikalistin Rrahman Jasharaj.
Balaj ka komentuar në postimin e Hoxhës, ku ky i fundit pretendonte se Jasharaj është pjesëtarë i një partie serbe, duke e pyetu se pse po linçon.
“Kush është anëtari i partisë serbe prof Elvis? Mësuesit janë shtylla e patriotizmit në Kosovë historikisht.Vërtetë mendon që komplet kjo armatë ka zgjedhur t‘i përfaqësojë „ anëtari i partisë serbe „? Si ka mundësi që ata nuk e njohekan udhëheqësin e tyre sindikal? Bashkimi prof Elvis nuk vjen duke linquar kategori të tëra njerëzish!Kur ju vet e bëni këtë si prisni t‘ju konsiderojnë ndryshe përveq seperstist!?”, thuhet në komentin që Balaj ia ka bërë Hoxhës.
Ndërkohë, ish-këshilltari i kryeministrit ka kërkuar falje për deklaratat e tij ndaj kryesindikalistit, Rrahman Jasharaj.
Hoxha përmes një reagimi në rrjetin social Facebook, ka thënë se për deklaratën e tij, “u bazua” në lajmet që u shpërndarë në media.
“Nuk kam turp të kërkoj falje, sidomos nëse i kam rënë në qafë z. Rrahman Jasharaj duke u bazuar në një lajm të gabuar që u shpërnda nëpër media lidhur me personin dhe të shkuarën e tij. Nuk e di si qëndron e vërteta lidhur me këtë lajm. Siç duket informacioni, edhe pse i shpërdarë nëpër disa media, paska qenë i pakonfirmuar. Kështu që i kërkoj falje, jo thjesht, por falje me ndjenjë të lartë përgjegjësie. Pak më intereson se si më ka kualifikuar z. Jasharaj në një shprehje të tij publike”, ka shkruar Hoxha.
