Pacolli për videospotin e VV-së: U nxor në pah epiqendra e 20 vjeçarit dhe tentakulat e tij
Deputetja e Vetëvendosjes, Fitore Pacolli, ka mbrojtur partinë e saj për videospotin e publikuar gjatë ditës së djeshme në të cilën rikthehej ligjërimi i dikurshëm për “shkatërrimin 20 vjeçar” duke u përdorur figurat si Thaçi e Veseli që ndodhen ende të paraburgosur në Hagë.
Deputetja Pacolli ka thënë se ai ishte thjesht një pasqyrim i të vërtetës.
Megjithatë, ajo ka vazhduar më tej duke provuar të diskreditojë kritikët e partisë së saj për këtë video.
“E çuditshme në fakt është jo vetëm magnituda e shkundjes që ndodhi nga një video dje, por edhe radiusi i reaksionit që nxori në pah jo vetëm epiqendrën e 20 vjeçarit por edhe tentakulat e tij.” – ka thënë deputete Pacolli.
Ajo e ka shpërndarë edhe videospotin sërish, jo duke e shpërndarë postimin e partisë së saj.
Nuk dihet se cilët aktivistë të Vetëvendosjes ishin të përgatitur në montimin e kësaj videoje.
