Një i vdekur dhe 4 të tjerë të lënduar në një aksident në autostradën “Arbër Xhaferi”

Një person ka humbur jetën ndërsa katër të tjerë janë lënduar në një aksident që ka ndodhur në autostradën “Arbër Xhaferi”, në segmentin Lipjan – Ferizaj.

Këtë e ka konfirmuar zëdhendësi i policisë Daut Hoxhaj, ku ka thënë se vdekjen e 44 – vjeçarit e kanë konfirmuar mjekët në vendin e ngjarjes.

Në aksident janë përfshirë dy automjete transportuese (Kombi).

“Ekipet relevante policore kanë dal ne vendin e aksidentit, perfshirë edhe ato të hetimeve të cilat po punojnë në identifikimin e shkaqeve të aksidentit dhe rrethanave që e karakterizojnë. Lidhur me rastin është njoftuar edhe prokurori”, tha Hoxha.