Granatë, pushkë, maska, uniforma: Policia gjen sasi të madhe të armatimit në Zveçan

Policia e Kosovës ka gjetur sasi të madhe të armatimit në Zveçan.

Lajmin e ka bërë të ditur Policia me një njoftim për media

Komunikata:

Me datën 19.11.2024 pas pranimit të një informate, është kryer një kontroll në rrugën

Kralj Petri në Zveçan nga njësitet policore. Gjatë kontrollimit janë gjetur tre kavanozë (bure) plastikë të groposur në dhe, në të cilët kishte pasur uniforma ushtarake, armë AK47, granata dore dhe fishekë. Fillimisht një bure është gjetur nga njësitet e DRP Mitrovicë Veri, e më pas nga Njësia për Trajtimin e Mjeteve Eksplozive janë gjetur edhe dy bure të tjera.

Dëshmitë të cilat janë gjetur dhe janë marrë nga Policia janë:

1. 4 granata M75

2. dy pushkë automatike AK 47

3. gjashtë karikatorë me municion të AK 47

4. një karikator i zbrazët

5. 156 fishek të AK 47

6. 179 fishekë të M48

7. një antiplumb ushtarak, me dy pllaka

8. tri palë pantallona

9. katër jakne ushtarake

10. dy jelekë taktikë

11. dy gas maska

12. dy çanta krahu ushtarake

13. 5 rripa ushtarakë të brezit

14. një maicë e zezë