Dy burra plagosen me armë zjarri pas një problemi me pronë, Policia konfiskon arsenal armësh

Një vrasje në tentativë ka ndodhur në Viti.

Atje, pas një kontesti pronësor, dy burra janë plagosur me armë zjarri. Për rastin, është arrestuar një i dyshuar.

Policia ka bërë të ditur se ka konfiskuar arsenal armësh në shtëpinë e të dyshuarve.

Njoftimi:

Viti, 08.08.2024-10:00. Raportohet se pas një mosmarrëveshje rreth kontestit pronësor, dy meshkuj kosovarë janë plagosur nga arma e zjarrit. Të lënduarit janë dërguar për tretman mjekësor. Lidhur me rastin është arrestuar një i dyshuar mashkull kosovar. Nga të dyshuarit janë konfiskuar një AK 47, 4 fishekë dhe 14 gëzhoja të kalibrit 7.62mm, një pistoletë e llojit Sig 14, 3 fishekë të kalibrit 9mm, një pushkë gjuetie, një pistoletë Sig auer, 28 fishekë të kalibrit 9x19 mm. Me vendim të prokurorit që të tre personat e përfshirë janë cilësuar si të dyshuar dhe dërgohen në mbajtje.