Çitaku për vrasjen në QKUK: Dënim maksimal për monstrumin që shuajti dy jetë
Nënkryetarja e PDK-së, Vlora Çitaku, ka reaguar për vrasjen gruas 35-vjeçe në oborrin e Klinikes Gjinekologjike.
Çitaku shkruajti në llogarinë e saj në Facebook tha se është e shokuar dhe se s’ka fjalë për krimin që ndodhi, ku sipas saj, ish-bashkëshorti dyshohet se ishte dorasi që e vrau gruan shtatzënë.
“Dy gra që vriten pikërisht brenda periudhës së kampanjës kundër dhunës me bazë gjinore. Për monstrumin e sotëm që shuajti dy jetë, një në mes e tjetrën pa filluar ende, dënim maksimal”, ka shkruar Çitaku.
Tutje, ajo i ka bërë thirrje organeve që të reagojnë fuqishëm dhe pa kompromis, teksa i shprehu ngushëllime familjes së të ndjerës.
