Vonesat e deputetëve, Cakolli i kritikon ashpër: Kjo situatë e papërgjegjshme është bërë normale
Eugen Cakolli nga KDI ka kritikuar deputetët për vonesa në seancë.
Ai ka postuar një fotografi nga salla e Kuvendit në ora 10:30, ku nuk shihet asnjë deputet në sallë.
Në profilin e tij në “Facebook”, Cakolli ka shkruar se kjo situatë e papërgjegjshme është bërë normale.
“Ora është 10:30 dhe seanca do të duhej të kishte nisur. Në sallë janë të gjithë – përveç atyre që duhet të jenë: deputetëve. Për ta, kjo situatë e papërgjegjshme është bërë normale. Por #ShtetiNëPauzë nuk guxon të bëhet pjesë e normales sonë”, ka shkruar Cakolli.
