Vdes 20 vjeçari në një aksident në Prizren

Një 20-vjeçar ka vdekur në një vetaksident trafiku që ka ndodhur të dielën në mëngjes në Prizren.

Lajmin e ka konfirmuar togeri Shaqir Bytyqi, i cili ka bërë të ditur se nga ky vetaksident është lënduar edhe shoferi i veturës.

Sipas policisë, mospërshtatja e shpejtësisë me kushtet e rrugës ka bërë që vetura të dal nga rruga duke rënë në urë.

“Rreth orës 04:55 të mëngjesit ka ndodhur një vetaksident, për shkak të mos përshtatjes së shpejtësisë me kushtet në rrugë, si pasojë automjeti ka dalë prej rrugës dhe ka rënë në urë. Shoferi ka pësuar lëndime të lehta trupore, ndërsa pasagjeri ka vdekur. Policia ka dalë në vendin e ngjarjes.” – ka thënë zëdhënësi i Policisë për rajonin e Prizrenit.