Tërmeti në Shqipëri, krejt çka dihet deri më tani

Lëkundje të tërmetit janë dëgjuar në Tiranë dhe në disa qytete për rreth në orët e vona të së dielës.

Qytetarët e këtyre zonave kanë dal jashtë shtëpive dhe banesave të tyre pas tërmetit. Sipas raportimeve termeti kishte magnitudë 4.7 ballë i shkallës të Rihterit.

Sipas matjeve epiqendra e tij ishte 10 km në thellë të Tiranës. Lëkundjet u ndjenë në disa qytete tjera duke përfshirë Durrësin dhe Lezhën.

Tërmeti ka shkaktuar panik tek qytetarët të cilët kanë dalë jashtë nga shtëpitë e tyre. Numër i madh i tyre janë parë te sheshi përpara Universitetit të Tiranës.

Referuar të dhënave zyrtare nga Ministria e Mbrojtjes tërmeti ka shkaktuar dëme të lehta më Xibër të Dibrës, por fatmirësisht pa të lënduar në njerëz.

“Sipas të dhënave paraprake nga Qendra Kombëtare Operacionale e Emergjencave Civile dhe IGJEUM, lëkundje tërmeti me magnitudë 4.7 Richter, me epiqendër 3 km në jug të Klosit janë ndier në të gjithë territorin e Shqipërisë. Sipas të dhënave të deritanishme raportohen disa dëme të lehta në Njësinë Administrative Xibër, Bashkia Klos. Të gjitha strukturat e Mbrojtjes Civile janë në gatishmëri dhe në kontakt të vazhdueshëm më të gjitha Bashkitë e vendit”, ka shkruar Peleshi.

Në Durrës raportohet se disa lagje kanë mbetur pa energji elektrike.

Ndërkohë në qytetet e tjera të vendit është raportuar se lëkundjet e tërmetit ishin të forta dhe kanë ngjallur panik tek qytetarët, me shumë prej tyre që kanë dalë jashtë shtëpive si në rastin e Tiranës dhe të bashkisë Bulqizë.

Bashkia e Tiranës ka vënë në dispozicion të plotë shërbimet e emergjencës dhe u bën thirrje qytetarëve që për çdo problematikë të sinjalizohet në numrin 112 ose zjarrfikësit në numrin 128.