"Te varri yt erdha i fundit, babë”: Një vit nga vizita e fundit e Thaçit në Kosovë

Sot janë bërë një vit kur ish-presidenti i Kosovës, Hashim Thaçi, ishte liruar përkohësisht nga paraburgimi i Dhomave të Specializuara në Hagë për të vizituar familjen e tij pas vdekjes së babanë e tij, Haxhi Thaçin.

Kjo vizitë ishte lejuar nën masa të rrepta siguria të forcave të EULEX-it dhe Policisë së Kosovës.

Pas lejimit të vizitës, me të arritur në aeroportin e Prishtinës, ai ishte dërguar të varri i babit të tij, i cili kishte vdekur disa ditë më parë.

Te varri i babit, ish-presidenti ishte lejuar të qëndronte vetëm disa minuta.

Me këtë rast, ai kishte vendosur një kurorë me lule mbi varrin e prindërit të tij.

Mesazhi që le aty se bashku me lulet ishte emocional dhe nxiti reagime të shumta në vend.

“Te varri yt erdha i fundit babë! Para meje erdhën mijëra qytetarë! Së shpejti, dorë më dorë, do t’i falënderoj të gjithë. Të qoftë i lehtë dheu i Kosovë!”, kishte shkruar Thaçi.

Derisa ish-presidenti kishte qëndruar tek varri i babit të tij, disa metra larg kishin dalë shumë bashkëvendës të Thaçit për të përshëndetur.

Meqenëse masat e larta të sigurisë nuk lejonin që dikush të i ofrohej atij, ai nga larg kishte përshëndetur qytetarët të cilët brohorisnin emrin e tij.

Pavarësisht kërkesës së avokatëve për të liruar, Dhomat e Specializuar kishin refuzuar ta lironin Thaçin për ceremoninë e varrimit të prindit.

Në këtë vizitë, Thaçi ishte lejuar për pak qaste të qëndronte edhe në familjen e tij në Burojë të Skenderajt.

Më pas, ai ishte dërguar në bazën e EULEX-it në Fushë Kosovë ku do të qëndronte për një natë.

Të nesërmen, në zyrat e EULEX-it, Thaçit do t’i lejohet vizita nga vëllezërit dhe bashkëshortja e tij.

Pas takimit me familjarët e tij, ai ishte dërguar për në Hagë.

Rreth kësaj vizite kishin raportuar edhe mediat e mëdha ndërkombëtare.

Mes tjerash, në artikujt e tyre ishte theksuar se ish-kreut të UÇK-së që po mbahet në paraburgim në Hagë, nuk iu lejua pjesëmarrja në varrim në fillim të kësaj jave.

Agjencia e lajmeve “Associated Press” dhe gazeta e njohur amerikane, “The Ëashington Post” kishin theksuar edhe mesazhin që Thaçi kishte lënë mbi varrin e babës së tij.

Rreth një javë para së babai t`i ndërronte jetë, Thaçi ishte liruar nga Dhomat e Specializuara në Hagë që të vizitonte prindin e shtrirë në spital.

Procesi gjyqësor ndaj ish-krerëve të UÇK-së në Dhomat e Specializuara në Hagë ka përfunduar dhe tani janë në pritje të vendimit.

Pas fjalëve përfundimtare të prokurorisë dhe mbrojtjes, gjykata tashmë është tërhequr për të marrë vendimin përfundimtar.