Tahiri kërkon publikimin e marrëveshjes: Ato janë për popujt, jo për lehtësuesit e dialogut
Ish-kryenegociatorja e Kosovës, Edita Tahiri, përmes një shkrimi në llogarinë e saj në Twitter, ka kritikuar Përfaqësuesit të Lartë të BE-së, Josep Borrell dhe emisarin special të BE-së, Miroslav Lajçak për mospublikimin e marrëveshjeve të arritura mes Kosovës dhe Serbisë dje në Bruksel.
Ajo ka thënë se marrëveshjet janë për popujt e dy shteteve, jo për lehtësuesit e dialogut.
“Është praktikë e gabuar e lehtësuesve të Dialogut të Brukselit, Josep Borrell dhe Miroslav Lajçak mos-publikimi i marrëveshjeve/dakordimeve të arritura mes Kosovës dhe Serbisë. Marrëveshjet janë për popujt e dy shteteve, jo për lehtësuesit e dialogut”, ka shkruar Tahiri.
Wrong practice of the Brussels Dialogue' EU facilitators @JosepBorrellF @MiroslavLajcak of not publishing reached agreements/arrangements between 🇽🇰🇷🇸. The agreements are for people of the two states and not for facilitators
— Edita Tahiri (@EditaTahiri) November 24, 2022
Kujtojmë që dakordimi për çështjen e targave mes Kosovës dhe Serbisë u arritë dje në Bruksel.
