Syla me “analizë sociologjike”: Kosovarët po e shajnë gjithçkafin, veç Kurtin hala

Valon Syla, analist, ka shkruar një status, në të cilin ka komentuar rrjedhën shoqërore të tanishme. Sipas Sylës, kosovarëve nuk poi u bën më asgjë përshtypje.

Tutje, Syla vlerëson se kosovarët po janë gjithnjë me diçka të pakënaqur. Megjithatë, Syla shkroi se përkundër që qytetarët e Kosovës e shajnë gjithçkafin (sic!), ende nuk e ofendojnë kryeministrin Albin Kurti.

“Nuk di a pe vëreni që kosovarëve mo asgjë s'po i bon përshtypje... kurgjo spo ju bjen taman dhe gjithmonë të paknaqur diçka.

I shajnë mediat që flasin me qytetarë, thojnë që po i keqpërdorin mendimet e tyre për klika.

E shajnë politikën se është mas lehti me ja lon fajin... e shajnë gjithçkafin, veç Albinin hala, se me bo me sha edhe ato binë në dhe prej dëshprimi. Kjo edhe ndonje ditë, deri sa kalojnë pushimet.” – shkroi ai.