Shi e në disa vende edhe borë – Parashikimi i motit për sot

Për ditën e sotme parashikohet të mbajë mot me vranësira dhe intervale të shkurta kthjellimesh, ku përpos reshjeve lokale gjatë orëve të para të 24-orëshit dhe në mëngjes.

Pasdite pritet vranësirat të marrin karakter zhvillimi, duke gjeneruar lokalisht rrebeshe shiu, të shoqëruara edhe me shkarkesa rrufesh, njofton Meteo Kosova.

Kurse, Instituti Hidrometeorologjik i Kosovës ka njoftuar se në disa vende priten edhe fjolla bore.

Reshjet do të vazhdojnë edhe në orët e mbrëmjes, ndonëse më të izoluara.

Era do të fryjë drejtimesh të ndryshme me shpejtësi prej 13-30 km/h.

Temperaturat minimale do të luhaten prej 3 deri në 6°C, ndërsa ato maksimale prej 9 deri në 13°C.