Shefi i NATO-s, u bën thirrje Kurtit e Vuçiqit, që të përmbahen nga veprimet e njëanshme
Sekretari i Përgjithshëm i NATO-s, Jens Stoltenberg, përmes një postimi në rrjetin social Twitter, ka njoftuar se ka zhvilluar një bisedë telefonike me kryeministrin e Kosovës, Albin Kurti dhe presidentin e Serbisë, Aleksandar Vuçiq.
Stoltenberg, u ka bëre thirrje të dy palëve që të përmbahen nga çdo veprim i njëanshëm që do të nxiste përshkallëzim të situatës në veri të Kosovës.
“Kam biseduar me Aleksandar Vuçiqin dhe Albin Kurtitn për situatën e tensionuar në veri të Kosovës. U kam bërë thirrje të dyve që të përmbahen nga çdo veprim i njëanshëm që mund të nxisë përshkallëzim. Dialogu është mënyra e vetme para. NATO_KFOR-i mbetet vigjilentë”, ka deklaruar Stoltenberg.
Spoke to @avucic and @albinkurti about the tense situation in northern Kosovo. I urged both to refrain from any unilateral action that can trigger escalation. Dialogue is the only way forward. @NATO_KFOR remains vigilant.
— Jens Stoltenberg (@jensstoltenberg) November 7, 2022
