Selimi thotë se disa diplomatë kanë vlerësuar si hap të duhur kushtet e Kurtit për Asociacionin
Ish-ushtruesi i detyrës së ministrit të Punëve të Jashtme të Kosovës, Petrit Selimi ka bërë me dije se kushtet e kryeministrit Albin Kurti për formimin e Asociacionit janë mirëpritur nga disa vende.
Në llogarinë e tij në “Twitter”, ai ka treguar se për këtë çështje ka biseduar me disa diplomatë të vendeve që e njohin pavarësinë e Kosovës.
Sipas tij, ata kanë vlerësuar se gjashtë pikat e Kurtit për Asociacionin janë hap në drejtimin e duhur.
“Një numër diplomatësh nga shtetet që mbështesin sovranitetin dhe pavarësinë e Kosovës me të cilët kam folur thonë që “6 pikat” janë “hap në drejtimin e duhur”, ka shkruar Selimi.
Number of diplomats I've talked to from countries supporting sovereignty & independence of Kosovo say PM Kurti's "6 points" are a "step in right direction". Most points are already embedded in the joint 🇫🇷🇩🇪🇺🇸🇪🇺 plan. Time is of essence though, considering April local elections.
— Petrit Selimi (@Petrit) February 4, 2023
Ai ka bërë me dije se shumica e pikave janë të ngulitura në planin franko-gjerman.
Selimi ka vlerësuar se koha është shumë e rëndësishme në këtë drejtim.
