Regjistrohen 6 tërmete brenda 12 orëve në Shqipëri
Brenda 12 orëve janë regjistruar 6 tërmete me magnitudë të ulët në Shqipëri.
Kështu ka bërë të ditur Instituti i Gjeoshkencave, që ka njoftuar se lëkundjet kanë filluar nga mëngjesi e deri në mbrëmje.
Sipas këtij instituti epiqendrat e lëkundjeve janë regjistruar; dy në Laç, një në Bilisht dhe tre në Konispol.
Instituti i Gjeoshkencave ka njoftuar po ashtu se goditjet më të forta janë regjistruar në Konispol 4.4 dhe 3.6 ballë, më pas në Laç 3.2 ballë të shkallës rihter, raporton RTSH.
Tërmeti i parë është regjistruar në mëngjes në orën 05:22 dhe i fundit në orën 19:30 të mbrëmjes.
