Rama: Mbledhja në Këshill të Sigurimit ishte e pakuptimtë, qëndrojmë me Kosovën
Edi Rama, kryeministër i Shqipërisë, ka komentuar zhvillimet në mbeldhjen e Këshillit të Sigurimit të OKB-së, ku u përballën Albin Kurti, kryeministër i Shqipërisë, dhe Aleksandar Vuçiq, president i Serbisë.
Rama e ka quajtur krejt këtë mbledhje si të pakuptimtë, duke argumentuar që KS i OKB-së nuk është vendi për të diskutuar asgjë në lidhje me Kosovën.
“Ishte një seancë e pakuptimtë. Këshilli i Sigurimit i OKB-së është e qartë se nuk është vendi për asgjë që lidhet me Kosovën. Si dy vende sovrane që aspirojnë për anëtarësim në BE, Kosova dhe Serbia duhet të përqendrohen plotësisht në dialogun e lehtësuar nga BE-ja dhe të fokusohen në arritjen e marrëveshjeve për qarkullimin financiar, shërbimin postar, taksimin e dyfishtë dhe të gjitha çështjet e tjera që përfitojnë jetën e përditshme të njerëzve të zakonshëm, duke siguruar edhe një të ardhme paqësore për brezat e ardhshëm.” – shkroi Rama.
It was a pointless session. The UN Security Council is clearly not the venue for anything related to Kosova. As two sovereign countries aspiring for EU membership, Kosova and Serbia should fully concentrate on the EU-facilitated dialogue and focus on reaching agreements on…
— Edi Rama (@ediramaal) February 9, 2024
Tutje, Rama shtoi se Shqipëria qëndron në krahun e Kosovës në frenimin e çfarëdo rreziku nga jashtë.
“Ndërsa qëndrojmë pranë Kosovës në parandalimin e çdo kërcënimi të jashtëm, Shqipëria do të vazhdojë t'i theksojë lidershipit kosovar rëndësinë e koordinimit të ngushtë me aleatët e saj kyç. Qëndrimi i palëkundur dhe i vazhdueshëm së bashku me ta tregon ndjenjën e vizionit dhe përgjegjësisë shtetërore, ndërkohë që çdo rast i qëndrimit të vetëm në rrugën drejt njohjes së plotë e zbeh pozitën e vendit në sferën publike të marrëdhënieve ndërkombëtare.” – shkroi Rama në “X”.
