Qeveria merr vendim për heqjen e stikerave nga targat serbe në Kosovë
Qeveria e Kosovës ka mbajtur mbledhjen e radhës elektronike, në të cilën ka miratuar vendimin për largimin e regjimit të letër ngjitësve/stikerave për veturat me targa të Serbisë.
Kështu është bërë e ditur në një njoftim të Zyrës së Kryeministrit.
“Heqja e regjimit të letër ngjitësve/stikerave është akt i fqinjësisë së mirë dhe vjen pas njohjes së plotë të targave të Republikës së Kosovës nga Serbia. Vendimi hyn në fuqi ditën e publikimit në Gazetën Zyrtare.” – thuhet në njoftim.
