PSHDK në listë me LDK-në për zgjedhjet e 9 shkurtit

Partia Shqiptare Demokristiane në zgjedhjet e 9 shkurtit, do të jetë pjesë e listës së LDK-së.

Kryetari i Lidhjes Demokratike të Kosovës, Lumir Abdixhiku bëri të ditur këtë të dielë se do t’i përfshijë në listë PSHDK-në, duke shkruar se ata i kanë dhënë të djathtës gjithë mbështetjen e nevojshme.

E plotë:

Këtë të diel, qëndrova në Gjakovë, mes demokristianëve të PSHDK-së, në Kuvendin e tyre të XI zgjedhor.

I urova delegatët për punimet e Kuvendit; dhe ritheksova e rikujtova bashkëpunimin e ngushtë që subjektet tona kanë patur në tre dekada e gjysmë veprim. Në vizionet e Presidentit Rugova e bashkëpunëtorit të tij të ngushtë Akademik Mark Krasniqit, gjejmë dhe udhërrëfimin tonë të ardhshëm; të një Kosove të pavarur e sovrane, të anëtarësuar në NATO e Bashkim Evropian e me miqësi të përhershme me Shtetet e Bashkuara të Amerikës. PSHDK, në zgjedhjet e 9 shkurtit, do të jetë pjesë e listës së LDK-së, duke i dhënë të djathtës sonë gjithë mbështetjen e nevojshme.