Profesori amerikan: 90% e serbëve të Kosovës kanë letërnjoftime të Kosovës - pse po bëhet kaq e madhe?
Ish diplomati dhe profesori i njohur amerikan, Edward P. Joseph, ka shprehur qëndrimet e tij në lidhje me zhvillimet e fundit në dialog që prekin temën e 1 shtatorit dhe afatit për reciprocitetin në letërnjoftime dhe në targa.
Ai është shprehur se “kriza” nuk ka të bëjë me njohjen implicite të Kosovës nga ana e Serbisë, duke cituar për këtë çështje edhe fjalët e z. Besnik Bislimi (Zëvendëskryeministër) kur kishte thënë se ishte i gatshëm të përfshinte në marrëveshje edhe deklaratën “Kjo nuk nënkupton që Serbia njeh Kosovën.”
Joseph ka thënë edhe se 90% e serbëve të Kosovës kanë tashmë dokumente të lëshuara nga Kosova, dhe se nuk e kupton pse kjo u bë çështje kaq e madhe.
“Greqia nuk e njeh Kosovën, e megjithatë pranon targat RKS dhe dokumentet e udhëtimit të Kosovës. Kjo është provë tjetër se kjo nuk përbën “krizë sovranitetin”. – është shprehur z. Joseph.
With the 1 September #Kosovo-#Serbia license plate/ID cards deadline looming, some perspective: #Balkans
— Edward P. Joseph (@edwardpjoseph) August 24, 2022
Ai i ka bërë thirrje presidentit serb Vuçiq që ta ndihmojë Kosovën për t’ju bashkuar Këshillit të Evropës nëse “është i shqetësuar për të siguruar të drejta për serbët e Kosovës”.
Profesori amerikan, megjithatë, ka përmendur edhe obligimin e Kosovës për të zbatuar “Asociacionin e Komunave me Shumicë Serbe” sipas Kushtetutës së Kosovës.
Më poshtë keni gjithë atë që ka thënë z. Joseph në llogarinë e tij në Twitter.
