Policia e Kosovës vazhdon t`i ruajë ndërtesat e komunave në veri
Një ditë pas vendosjes së kryetarëve të rinj në objektet e komunave, situata në Zveçan, Zubin Potok dhe Leposaviç është e qetë.
Objektet e tri komunave veriore vazhdon t`i ruaj Policia e Kosovës.
Fotografitë që ka publikuar Radio Evropa e Lirë tregojnë se afër objekteve komunave, ku dje pati tensione, qëndrojnë vetëm zyrtarët policorë.
Gjithashtu, policia vazhdojnë të qëndrojnë edhe brenda ndërtesave të komunave.
Për situatën e qetë në këto komuna sot ka treguar edhe kryeministri Albin Kurti.
Në një postin në profilin e tij në “Facebook”, ai ka shkruar se të gjitha rrugët janë të kalueshme në atë pjesë të vendit.
“Rendi dhe ligji, demokracia dhe lëvizja e lirë, siguria dhe paqja, mund dhe duhet të ecin krah për krah. Për këto angazhohemi çdo ditë dhe në përpikëri. Rrugët në veri janë që të gjitha të hapura e të qarkullueshme për qytetarët. Komunat dhe kryetarët duhet të punojnë shumë sepse kemi shumë punë për të bërë për qytetarët. Ju dëshiroj të gjithëve një fundjavë të këndshme!”, ka shkruar Kurti.
