Peci: Boll ma, rezistenca e gastronomëve për mosrespektimin e ligjit të duhanit është e papranueshme

Ministri i Bujqësisë, Faton Peci ka shkruar në Facebook, se është e papranueshme se disa gastronom në mënyrë të organizuar, po tentojnë të mos e respektojnë Ligjin për Duhanin.

Peci nga terreni u është dretjuar këtyre gastronomëve me fjalët “Boll ma”, duke paralajmëruar inspektim të shtuar edhe gjatë vikendeve.

E plotë:

Boll ma!

Intenziteti i inspektimeve po rritet edhe gjatë fundjavave.

I falenderojmë qytetarët për bashkëpunimin e vazhdueshëm në raportimin e rasteve ku thehet ligji.

Përkundër rezistencës së organizuar të disa gastronomëve, përveç se po vendosim rend dhe ligj, po e çojmë në vend edhe vullnetin e qytetarëve për ambiente pa duhan.

Kjo rezistencë dhe organizimi përmes rrjeteve sociale kundër aksioneve të inspektorëve është e papranueshme.

Askush nuk mund ta minojë rendin edhe ligjin.

Zero tolerancë!