Osmani pritet nga Abazoviqi, publikon pamje nga takimi

Presidentja e Kosovës, Vjosa Osmani gjatë vizitës në Malin e Zi, ka takuar edhe kryeministrin Dritan Abazoviq.

Osmani përmes një shkrimi në llogairnë e saj në Facebook, ka thënë kanë diskutuar për jetësimin e orientimit kah e ardhmja euroatlantike.

Tutje, thuhet dy vendet përafrohen edhe më shumë nga komuniteti shqiptar në Mal të Zi, dhe ai malazez në Kosovë.

“Andaj, potencuam rëndësinë e madhe të hapjes se kapitujve të ri të bashkëpunimit në tregti, arsim, turizëm e fusha të tjera në dobi të qytetarëve në të dy shtetet.” – ka thënë Osmani.

Postimi i plotë i presidentes:

Si dy shtete të orientuara kah e ardhmja euroatlantike, me Kryeministrin Dritan Abazoviq diskutuam sot për rëndësinë e bashkëpunimit të vazhdueshëm në drejtim të jetësimit të këtij synimi të përbashkët.

Dy vendet tona i përafrojnë edhe më shumë komuniteti shqiptar në Mal të Zi, si dhe ai malazez në Kosovë. Andaj, potencuam rëndësinë e madhe të hapjes se kapitujve të ri të bashkëpunimit në tregti, arsim, turizëm e fusha të tjera në dobi të qytetarëve në të dy shtetet.