Numërohen 35% e votave me postë, pas tyre nis numërimi i votave me kusht dhe të votuesve me nevoja të veçanta
Komisioni Qendror i Zgjedhjeve (KQZ) ka njoftuar se procesi i numërimit të votave nga votimi përmes postës po vazhdon në Qendrën e Numërimit dhe Rezultateve.
Zëdhënësi i KQZ-së, Valmir Elezi, bëri të ditur se “deri më tani janë numëruar 80 nga 223 kuti votimi (35.87%), në të cilat janë vendosur zarfet me fletëvotime pas aprovimit të tyre nga shërbimi votues i KQZ-së”.
Sipas tij, pas përfundimit të numërimit të votave nga posta, do të nisë numërimi i votave me kusht dhe i votave të personave me nevoja të veçanta.
“Janë evidentuar 8,751 votues në vendvotimet me kusht, ndërsa për votimin përmes ekipeve mobile kanë qenë të regjistruar 3,144 votues”, tha Elezi.
