“Nevojë urgjente për dialogun”: O’Brien shkruan pas takimit me Osmanin

Ndihmës Sekretari amerikan i Shtetit, Jim O’Brien ka reaguar pas takimit me presidenten e Kosovës, Vjosa Osmani.

Ai tha se është e rëndësishme që SHBA-ja dhe Kosova të jenë në hap për avancimin e vizionit të përbashkët, pasi e mirëpriti në Washington presidenten Vjosa Osmani.

O’Brien shkroi se me Osmanin diskutuan edhe për nevojën për “nevojën urgjente” për t’u riangazhuar në dialogun me Serbinë.

“E mirëprita presidenten e Kosovës, Vjosa Osmani në Washington. Ne jemi krenarë që mbështesim shtetin sovran, multietnik dhe demokratik të Kosovës. Është e rëndësishme që ne të qëndrojmë në hap për ta avancuar vizionin tonë të përbashkët. Gjithashtu u diskutua nevoja urgjente për t’u riangazhuar në Dialogun e lehtësuar nga BE-ja”, shkroi O’Brien në “X”